Bul tarıhı qujat memleketimizdiń saıası júıesiniń túbegeıli jańaryp, jańǵyryp, onyń qarapaıym halyq úshin ashyqtylyǵyn, sonymen qatar buqara aldyndaǵy eseptiligin arttyrýǵa dańǵyl jol ashady. Joldaý elimizdiń budan bylaıǵy damý strategııasy men bolashaqtaǵy baǵdaryn anyqtap, «Jańa Qazaqstannyń» qazirgi sıpatyn, sondaı-aq keleshektegi kemel baǵytyn aıqyndap berdi.
Joldaýdy talqylaýǵa arnalǵan jıynda aýdan ákimi M.Saǵymbek aýdan aqsaqaldary, áıelder keńesi, jastar qaýymy, etnomádenı birlestikter, úkimettik emes uıymdar, taǵy basqa da qoǵamdyq mekemeler ókilderiniń, sonymen birge jergilikti atqarýshy organ qyzmetkerleriniń aldynda turǵan maqsat-mindetterge toqtaldy. Sosıalıstik Eńbek Eri K.Aıtjanova, aýdandyq máslıhat hatshysy E.Shoqparov, Amanat partııasy aýdandyq fılıalynyń atqarýshy hatshysy Q.Dosmaılov, aýdandyq qoǵamdyq kelisim keńesi tóraǵasynyń orynbasary S.Soltanqulov, aýdandyq analar keńesiniń tóraıymy K.Berdiǵulova, aýdandyq uıǵyr etnomádenı birlestiginiń múshesi Q.Ashımova jáne osy tárizdi el-jurttyń arasynda bedeli bıik tulǵalar da turǵyndarmen tikeleı betpe-bet kezdesýler men áleýmettik jelilerde Joldaý jaıly lebizderin ortaǵa saldy. Qarapaıym kópshilik te olardyń oń oı-pikirlerin qoldaıtyndyqtaryn bildirdi.
Jalpy, aýdanda Memleket basshysynyń halyqqa arnaǵan Joldaýyn turǵyndar arasynda túsindirý boıynsha 14 aqparattyq-nasıhattyq top qurylyp, olarǵa aýdan ákiminiń orynbasarlarynan bastap, bólim basshylaryna deıingi laýazymdy tulǵalar jetekshilik etedi. Bul toptardyń aýdan ortalyǵy – Jarkent qalasynda, sonymen qatar aýyldyq okrýgterdegi barlyq eldi mekenderdi aralap júrgizetin jumys kestesi bekitilgen. Top músheleri qazirgi kúnderi jurtshylyq arasynda óz jumystaryn barynsha jandandyryp júr.
Marat ILIPOV,
Panfılov aýdandyq ishki saıasat, mádenıet, tilderdi damytý jáne sport bóliminiń basshysy
