Esterińizge salsaq, bıyl grantqa úmitkerler UBT-ny eki ret tapsyrý múmkindigine ıe. Al talapkerler testileýdiń eki kezeńinde beıindi pánderdiń bir kombınasııasyn ǵana tańdaı alady. Bıyl oblys boıynsha 4 307 oqýshy «túlek» mártebesin ıemdengen. Oblystyq bilim berý basqarmasy basshylyǵynyń habarlaýynsha, mamyr jáne maýsym aılarynda ótetin UBT-ǵa tirkelý áli bastalmapty. «Ulttyq testileý ortalyǵynyń saıtynda tirkelý iske qosylǵannan keıin túlekter atalǵan aılarda testi tapsyrý kúni men ýaqytyn ózderi tańdaıdy», deıdi basqarmadaǵylar.
Jýyqta Ulttyq testileý ortalyǵynyń dırektory Rýslan Emelbaev áleýmettik jelide UBT-ny tapsyrý barysynda birneshe jańashyldyqty jarııalady. «Kompıýterde kalkýlıator, Mendeleev jáne tuzdardyń erigishtik kestesi bolady. Sonymen qatar erekshe bilim berý qajettilikteri bar balalarǵa qosymsha testileý ýaqyty, ıaǵnı 40 mınýt berilip, olarǵa sýretsiz, syzbalarsyz jáne dıagrammalarsyz test nusqalary jasalǵanyn atap ótkenimiz jón. Al UBT-ǵa qatysýshylarǵa testileý aıaqtalǵannan keıin ekranda, jeke kabınetinde «Jeke taqyryptyq taldaý» qoljetimdi», deıdi R.Emelbaev.
Belgili bolǵandaı, «Qazaqstan tarıhy» páni boıynsha test tapsyrmalarynyń sany ózgerissiz saqtalyp, kontekstik test tapsyrmalary engizilgen. «Quqyq» bilim berý salasy boıynsha shekti ball 75-ke ózgergen. Al ózge salalar boıynsha ózgerister joq.
