Aqmola oblysy TJD baspasóz qyzmetiniń málimetinshe, qaıǵyly oqıǵa búgin 5 mamyrda Kókshetaýdyń irgesindegi Krasnoıar aýylynda bolǵan.
«Aqmola oblysynda órtten jas otbasy qaza tapty. Túngi saǵat 03:54-te Krasnoıar aýylynda birinshi qabattaǵy páterde órt shyqqany týraly habarlama kelip tústi. Tilsiz jaýdy aýyzdyqtaýǵa Kókshetaý qalasynyń №1 mamandyndyrylǵan órt sóndirý bólimshesi men Sadovoe aýylyndaǵy №29 órt sóndirý beketiniń kúsh-quraldary jumyldyryldy», dedi vedomstvodan.
Anyqtalǵandaı, órt sóndirýshiler kelgenge deıin páterdiń terezesinen 58 jastaǵy áıel men onyń jeti jasar nemeresi óz betinshe evakýasııalandy.
О́rtti sóndirý barysynda eki eresek adam – 31 jastaǵy er adamnyń, 29 jastaǵy áıel men tórt jasar eki balanyń denesi tabyldy.
«О́rt aýdany 50 sharshy metr bolatyn páterde bolǵan. О́rttiń aldyn ala sebebi - elektr symdarynyń qysqa tuıyqtalýy. Saǵat 04:50-de órt sóndirildi», - dep tolyqtyrdy vedomstvodan.
Qazir oqıǵa ornynda synaq zerthanasy jumys istep jatyr.
