Qazaqstan delegasııasynyń Izraılge sapary barysynda Astana Medısına Ýnıversıteti bazasynda jańa Sımýlıasııalyq ortalyq qurý jáne ony damytý týraly Memorandýmǵa qol qoıyldy.
«Sımýlıasııalyq ortalyq degenimiz - bolashaq dárigerler medısınalyq trenajerlarda praktıkalyq bilikteri men daǵdylaryn shynaıy ómirge barynsha jaqyn jaǵdaılarda pysyqtaıtyn oryn», dedi Astana medısına ýnıversıtetiniń Basqarma tóraǵasy-rektory Kamaljan Nadyrov.
Rektordyń pikirnshe AstMÝ bazasynda zamanaýı sımýlıasııalyq ortalyq qurý dáriger men medbıkelerdi oqytý sapasyn joǵary deńgeıge kóterýge múmkindik bermek.
Qazirgi tańda ızraıldik «Shıba» medısınalyq ortalyǵy bazasyndaǵy sımýlıasııalyq ortalyq úzdik bolyp tabylady, onyń konsýltatıvtik qoldaýymen álemniń kóptegen jetekshi ýnıversıtetterinde osyndaı sımýlıasııalyq ortalyqtar qurylǵan.
«Shıba» medortalyǵynda medısınalyq bilim berýde sımýlıasııalyq oqytý júıesi alǵash ret qolǵa alynǵan jáne búginde ol dáriger, medbıke jáne basqa da medısınalyq kadrlardy daıarlaýdyń mindetti sharty bolyp tabylady.
AstMÝ basshylyǵynyń Izraılge issapary barysynda sımýlıasııalyq ortalyqty qurý jáne paıdalaný, onyń qyzmet standarttary men oqytý hattamalaryn ázirleý, ınfraqurylymdy damytý, klınıkalyq ssenarııler bazasy men qyzmetkerler shtatyn qalyptastyrý sekildi birqatar máseleler talqylandy.
Izraıldiń Densaýlyq saqtaý mınıstrligi Halyqaralyq yntymaqtastyq departamentiniń dırektory Asher Salmonmen kezdesý aıasynda sol eldiń Densaýlyq saqtaý mınıstrligi Astana medısına ýnıversıtetiniń dıplomyn tanýy máselesi de qarastyryldy.
Toǵanbek Aıana
