Otyrysta Májilistiń Zańnama jáne sot-quqyqtyq reforma komıtetiniń tóraǵasy Arman Qojahmetov Senat tolyqtyrǵan túzetý «Respýblıkalyq referendým týraly» Konstıtýsııalyq zańnyń 3-baby 2) tarmaqshasyn jańa redaksııada usynyp otyrǵanyn atap ótti.
«Memlekettiń táýelsizdigin, Respýblıkanyń birtutastyǵy men aýmaqtyq tutastyǵyn, ony basqarý nysanyn, Respýblıka qyzmetiniń túbegeıli qaǵıdattaryn ózgertý» máseleleri referendým talqysyna qoıylatyn máseleler bola almaıdy.
Osy tarmaqshanyń qoldanystaǵy redaksııadaǵy «táýelsiz Qazaqstannyń Negizin salýshy, Qazaqstan Respýblıkasynyń Tuńǵysh Prezıdenti – Elbasy irgesin qalaǵan Respýblıka qyzmetiniń túbegeıli prınsıpterin jáne Qazaqstan Respýblıkasynyń Tuńǵysh Prezıdenti – Elbasynyń mártebesin ózgertý» degen sózderdi Parlament Senaty alyp tastaýdy usyndy», dedi Arman Qojahmetov.
Jıyn sońynda Májilis «Respýblıkalyq referendým týraly» Qazaqstan Respýblıkasynyń Konstıtýsııalyq zańyna ózgerister men tolyqtyrý engizý týraly» Konstıtýsııalyq zań jobasyna Parlament Senaty engizgen túzetýmen kelisti.
