«Taraz ortalyǵynyń aýmaǵynda 20 birlik qarý, úsh granat, patron, saýyt-saıman, dýlyǵa, tize tósegishter men gaztutqyshtar tabylyp, tárkilendi.
Qarýdyń ishinde úsh Kalashnıkov avtomaty, eki Makarov tapanshasy, «Saıga» markaly myltyq, tegis uńǵyly myltyq, revolver, travmatıkalyq tapansha, tegis uńǵyly myltyqtyń jıekteri, burysh, gaz jáne jaryq-shý granatalary, 363 túrli kalıbrli patrondar boldy. Tárkilengen zattarǵa sot-ballıstıkalyq saraptama taǵaıyndaldy», delingen Jambyl oblysy PD baspasóz qyzmeti taratqan habarlamada.
Vedomstvo qarýdyń, oq-dárilerdiń, arnaıy quraldardyń ornalasqan jeri týraly habarlaǵan nemese olardy polısııaǵa óz erkimen tapsyrǵan adam, eger basqa quqyq buzýshylyqtarǵa qatysy bolmasa, qylmystyq jáne ákimshilik jaýapkershilikke tartylmaıtynyn eske saldy.
