Bizge erteń emes, búgin baı-qýatty bolatyn el kerek! О́z jerinde Mendeleevtiń kúlli elementi bar bizdiń el Táńiriniń meıirine bólenip, shat-shadyman ómir súrýge ábden laıyqty! Qazaq ǵalamdaǵy eń jas halyqtardyń biri hiám biregeıi! Onyń materıaldyq jáne rýhanı potensıaly orasan baı! Táńiri oǵan Atyraýdan – Altaıǵa deıingi ushy-qıyrsyz aımaqty syılaǵan. Asty da, ústi de – altyn!
Iske sát! Alǵa Qazaqstan!
QAZAQ
(HV-HHI ǵ.ǵ.)
Qý basty – qoı!
Jurttyń qamyn jegenmin,
Kórgennen soń kúıki túrin men eldiń:
«Malym – janymnyń sadaqasy!
Janym – arymnyń sadaqasy!», –
Degenmin!
Osy kúnge bizdi Táńiri jetkizdi.
Jetkizdi de, ózine táý etkizdi.
Myna Dúnıe súıgen...
Súıe beredi –
Tonykóktiń bir tuıaǵy dep bizdi!
Adamzattyń balasyna týa báıik bolǵam-dy,
Kózderimniń sharasyna,
Túńilip, –
Qan tolǵan-dy;
О́ksigenmin ózime ózim teń tappaı,
Qorǵandy da kórip,
Qalyń ormandy!
Kemel!
Shoń! –
Ýytty bir urpaq keler menen soń,
Jan-dúnıem bekzat nurǵa bólenip:
«Malym – janymnyń sadaqasy!
Janym – arymnyń sadaqasy!», –
Degen soń!!
Shyǵardy da tórine ylǵı teksizdi,
Eski ǵasyr esirkegen joq bizdi.
Arqamyzǵa qondy-daǵy arýaq,
Qyl kópirden Alashty Alla ótkizdi!
Attan túsip, sary jurtqa qonǵanda,
Jańa el keler sol mańda:
«Jany – malynyń sadaqasy,
Ary – janynyń sadaqasy!"-
Bolǵanda...
Serik Aqsuńqar,
Abaı atyndaǵy Memlekettik syılyqtyń laýreaty
Qaraǵandy oblysy
