«Alataý, Bostandyq jáne Medeý aýdandaryndaǵy kóshelerge kórnekti mádenıet jáne ǵylym qaıratkerleriniń esimderi berildi. Búgin qalalyq máslıhat depýtattary olardyń attaryn bekitti.
Olardyń arasynda qazaq Olımpıada oıyndarynyń alǵashqy chempıony Jaqsylyq Úshkempirov, kompozıtor Qarshyǵa Ahmedııaruly, akademık jáne kompozıtor Ǵazıza Ahmetqyzy, Qazaq KSR Halyq ártisi Roza Úmbetqyzy, aqyn jáne pýblısıst Máshhúr Júsip, etnolog jáne shyǵystanýshy Lev Gýmılev jáne basqa da kórnekti qaıratkerler bar», delingen habarlamada.
Sondaı-aq kóshelerdiń biriniń ataýy Túrkııanyń burynǵy premer-mınıstri, saıasatker Adnan Mendereske berildi. Ol HH ǵasyrdyń ortasynda Túrkııaǵa qonys aýdarǵan otandastarymyzǵa kómek kórsetti.
«Kósheler «Nurkent», «Ermensaı», «Nur Alataý», «Nurlytaý» jáne «Alataý» shaǵyn aýdandarynda ornalasqan», dedi vedomstvo ókilderi.
