Ýkraına vıse-premeri Irına Vereshýk telegram-kanalynda Marıýpoldegi «Azovstal» zaýytynyń aýmaǵynan áıelder, balalar men qarttardyń evakýasııalanǵanyn habarlady. Onyń aıtýynsha, Marıýpoldegi gýmanıtarlyq operasııanyń birinshi bóligi aıaqtaldy.
Sáýirdiń aıaǵynda BUU Bas hatshysy Antonıo Gýtterısh Reseıge, Ýkraınaǵa barǵan bolatyn. Osy sapary barysynda «Azovstal» zaýytynda býnkerge tyǵylǵan qarapaıym turǵyndardy qaýipsiz jerge shyǵarý týraly ýaǵdalastyq jasaldy. Keıinnen taraptar atysty toqtatýǵa kelisken-di. Nátıjesinde, BUU men Qyzyl Krest uıymy evakýasııa uıymdastyrdy. Jalpy sany 300-den astam adam qaýipsiz jerge jetkizildi.
О́tken senbi kúni Ýkraına qarýly kúshteri «Zmeınyı» araly mańynda Reseıdiń áskerı kemesin atqylaǵan vıdeo jarııalady. Boljam boıynsha, bul 11 770 «Serna» desanttyq kemesi bolýy múmkin. Beınejazba Bayraktar TB2 drony arqyly túsirilgen. Sodan bir kún buryn Bayraktar arqyly araldaǵy áýe shabýylyna qarsy qorǵanys júıesine jasalǵan soqqynyń vıdeosyn jelige taratqan edi. Sarapshylardyń paıymdaýynsha, reseılik «Tor» áýe shabýylyna qarsy qorǵanys júıesi joıylýy múmkin.
Ulybrıtanııa barlaý qyzmeti Ýkraınadaǵy ahýalǵa baılanysty kezekti qyzyq málimet taratty. Soǵan sáıkes, shaıqas kezinde Reseıdiń eń zamanaýı tankisi T-90M-niń kem degende bireýi joıylǵan. Atalǵan elde jalpy sany 100-ge jýyq osy modelde tank bar. Ony negizinen eń úzdik bólimderge beredi.
T-90M tanki 2016 jyly tanystyryldy. Onyń qorǵanysy, zeńbirek jáne spýtnıktik navıgasııa júıeleri jetildirilgen. Jańartylǵan qorǵanys jaý qarýyna qarsy turýǵa arnalǵan. Alaıda is júzinde qansha jerden maqtaýly bolsa da, qırap qalatynyna kýá bolyp otyrmyz.
Barlaý qyzmetiniń paıymdaýynsha, Reseı qarýly kúshteriniń quramyndaǵy jaýyngerlik ázirlikte turǵan jáne jetildirilgen bólimsheleri úlken shyǵynǵa ushyrap otyr. Reseı soǵystan keıin qarýly kúshterin qalpyna keltirý úshin kóp ýaqyt pen qarjy ketedi. О́ıtkeni jańartylǵan jáne jetildirilgen jabdyqty aýystyrý úshin shetelden mıkroelektronıka ákelý qajet. Al qazirgideı Reseıge sanksııa salynǵan jaǵdaıda buǵan qol jetkizý qıyn.
О́z kezeginde Ýkraınaǵa Batys elderi jibergen qarý-jaraq urys alańdarynda qoldanyla bastady. Máselen, AQSh bergen gaýbısalardy qoldanýdy úırenýge ketken ýkraın sarbazdary jattyǵýyn aıaqtaǵan. Olar qazir túrli baǵyttaǵy shepterge jiberile bastady. Sonyń áseri shyǵar, áleýmettik jelilerde qıraǵan Reseı tehnıkalarynyń, artıllerııalyq shabýyldardyń vıdeolary kóptep taratylyp jatyr.
Al álemniń ár túkpirinde Reseıge qatysty áreket jalǵasyp keledi. Máselen, Italııa bıligi juma kúni «Sheherazada» ıahtasyn kámpeskeledi. Onyń ıesi kim ekeni belgisiz. Biraq buqaralyq aqparat quraldary kemeniń Reseı prezıdenti Vladımır Pýtınge tıesili ekenin alǵa tartady.
Quny 700 mln dollar bolatyn mega-ıahtany Italııanyń qarjy polısııasy teksere bastaǵan edi. Tergeý nátıjesinde «Sheherazadaǵa» resmı ıelik etetin tulǵa men Reseı úkimetiniń kórnekti ókilderiniń, sondaı-aq Reseıdiń Ýkraınaǵa basyp kirýinen keıin sanksııalarǵa ushyraǵan basqa da sýbektiler arasynda mańyzdy ekonomıkalyq jáne iskerlik baılanystar bar», degen baılam jasalǵan kórinedi.
Aıta keterligi, Ýkraınaǵa gýmanıtarlyq kómek kórsetý maqsatynda Londonda ótken aýksıonda Ýkraına prezıdenti Volodımır Zelenskııdiń júnnen jasalǵan kúrteshesi 90 000 fýnt sterlıngke (110 000 dollar) satyldy.
Aýksıonǵa Ulybrıtanııa premer-mınıstri Borıs Djonson qatysyp, sóz sóıledi. Reseıdiń Ýkraınaǵa «arnaıy operasııasy» bastalǵannan keıin-aq áleýmettik jeliler men BAQ qoldanýshylary Zelenskııdiń qorshaýdaǵy Kıevten shyqqan beıresmı stıline nazar aýdara bastaǵan-dy. Ýkraına prezıdenti jeıde men hakı júndi kúrte kıip júrgen edi. Bul kıim kópshiliktiń nazaryn aýdardy.
