Pavlodar oblysy polısııa departamenti baspasóz qyzmetiniń málimetinshe, jol apaty 9 mamyrda saǵat 20.40-ta Baıanaýyl aýylynan 20 shaqyrym jerde bolǵan. Audi 80 B4 kóliginiń 47 jastaǵy júrgizýshisi Volkswagen Crafter mıkroavtobýsymen soqtyǵysty.
«Jol apaty saldarynan eki avtokólik jyraǵa aýdarylyp ketti. Volkswagen Crafter-diń 1986, 2000 jáne 2005 jylǵy tórt jolaýshysy túrli jaraqat alyp, aýrýhanaǵa jetkizildi», dedi Pavlodar oblysy polısııa departamentiniń baspasóz qyzmeti.
Sonymen qatar, dárigerlerdiń aqparaty boıynsha, zardap shekken toǵyz adamǵa shuǵyl kómek qajet boldy. Úsh naýqas - 36 jastaǵy er adam, 35 jastaǵy áıel jáne 16 jastaǵy jasóspirim reanımobılderde alǵashqy kómek kórsetilgennen keıin Pavlodarǵa jetkizildi. Taǵy bir zardap shekken 22 jastaǵy jolaýshy oblystyq ortalyqqa áýe kóligimen tasymaldandy.
Qalǵan jolaýshylar da túrli jaraqatpen aýrýhanaǵa jetkizildi. Áıelderdiń biriniń saýsaǵyna ampýtasııa jasaldy, taǵy bir er adamnyń eki barmaǵy julynyp ketken. Zardap shekkenderdiń arasynda 51 jastaǵy Reseı azamaty bar.
Aıana Toǵanbek
