Qala ákimdiginiń baspasóz qyzmeti taratqan aqparatqa sáıkes, megapolıste jańbyr men daýyl saldarynan 19 aǵash qulap,1 avtokólik pen 1 úı zardap shekti.
«11 mamyrdaǵy 20:30-daǵy jaǵdaıy boıynsha nóserli jańbyr saldarynan «112» jelisine jeke turǵyn úılerdiń aýla aýmaqtaryn, kópqabatty kóshelerdiń, jertólelerin sý basý týraly 70 habarlama kelip tústi, oqıǵa ornyna qyzmetkerlerdi jibergenimen, onyń ishinde 18 jaǵdaı rastalmady, 13 sý basý faktisi joıyldy, qalǵan ýchaskeler boıynsha jumys júrgizilýde», delingen habarlamada.
Sınoptıkterdiń boljaýy boıynsha, qalada jańbyr aldaǵy úsh táýlik úzilispen jaýady.
«12 mamyrda qatty jańbyr jaýyp, naızaǵaı oınaıdy. Soltústik-batystan jel soǵyp, onyń ekpini sekýndyna 15-20 metrge jetedi. Osyǵan baılanysty qala turǵyndary men qonaqtaryn, jaýyn-shashyn kezinde ǵımarattar men úı-jaılardan múmkindigińizshe shyqpaýǵa jáne kólikterdi aǵashtardyń astyna qoımaýǵa shaqyramyz», dep habarlady departamentten.
