Aýdannyń Qurmetti azamaty 75 jastaǵy О́mirzaq Isaǵulovtyń bastamasymen ótken sporttyq sharanyń maqsaty aıqyn. Qazynaly qarttar salamatty ómir saltyn nasıhattap, jastarǵa patrıottyq rýh syılaýǵa umtyldy. Áıtpese, áýre bolmaı, janyn kútip úıde tynysh jatýǵa da bolatyn edi. Urpaǵynyń kemel keleshegine alańdaıtyn qarııalardyń áreketi osyndaı bolsa kerek.
Velosherýde 85 jastaǵy Túlkibaı Kolýmbaev, 84 jastaǵy Saılash Jupbaeva, 80 jastaǵy Ásken Dúısekeev, 70 jastaǵy Qurmash Qobaıdarov, 65 jastaǵy Seıtjan Battalov ta belsendilik tanytty. Ardagerlerdi qoldap, kópbalaly ana Zarına Mýkına da qatardan tabyldy. Olar Jańatań aýylynan aýdan ortalyǵyna deıin velosıpedpen júrip ótti.
Aýdan ákimi Abzal Balǵabaev jastarǵa ór rýh berip, salamatty ómir saltyn násıhattaýǵa atsalysqan ardagerlerge alǵysyn bildirdi.
Pavlodar oblysy,
Aqqýly aýdany
