Gazet-jýrnal, kitap oqyp, radıo tyńdap, teledıdar kóretinder sanatynda barmyz. Sát saıyn alýan túrli oqıǵalar oryn alyp, aqparattar tasqyny sanany jaýlap alyp jatqan myna almaǵaıyp zamanda bir mezgil teleserıal tamashalaǵanǵa ne jetsin.
Qaısybir jyly «Kúı-kerýen» atty serıaldy birqaýym ýaqyt tushyna kórgen edik. Sodan keıingi unaǵany osy «Aýyl muǵalimi» teletýyndysy boldy. Bas-aıaǵy otyz shaqty serııadan turatyn fılm aýyl ómirin shynaıy beıneleýimen este qaldy. Ásirese professor aǵaı men onyń ańǵal da perishte kóńil shákirtteriniń shym-shytyryqqa toly oqıǵalary ezýge kúlki úıirip, bir kezdegi balalyq shaqty eske túsirdi. Dál qazirgi tańda «Qazaqstan» ulttyq telearnasy arqyly qalyń kórermen nazaryna aýyl ómirin qamtıtyn kóp serııaly «Yntymaq aýyly» atty telefılm usynylyp jatyr.
Sanany sergitetin osyndaı dúnıeler aldaǵy kezde de kóbeıe bergeı degen tilek bar.
Káribaı ÁMZEULY,
eńbek ardageri
Túrkistan oblysy
