Bul týraly Qaraǵandy oblystyq ishki ister departamentiniń baspasóz qyzmetine silteme jasaǵan Total.kz saıty habarlady. Qaraǵandy oblystyq ishki ister departamenti atalmysh iske qatysty naqty dálelder keltirip otyr. Naqtylaı aıtqanda, álgi eki qyzdy qaraǵandylyq 19 jastaǵy qyz ben 47 jastaǵy er azamat puldamaq bolǵan. Al saýdaǵa túsken ekeý Temirtaý qalasynda júrgen. Olardy 19 jastaǵy kúdikti qyz Qaraǵandyǵa ertip ákeledi de, satyp alýshy tabylǵansha, ıaǵnı, úsh táýlikteı joǵaryda aıtylyp ótken 47 jastaǵy azamattyń úıinde ustaıdy. Polısııa qyzmetkerleri osy jaǵdaıattardan habardar bolysymen jedel qımyldap, iske qatysýshylardy der kezinde quryqtaıdy. Keıinnen polısııa qyzmetkerleri anyqtaǵandaı, «saýdagerler» bir qyzdy 130 000 teńgege baǵalaǵan. Mys-mys aqshany qaltasyna basyp taırańdaǵysy kelgender bultartpas dáleldermen qolǵa túsken. Qaraǵandy oblystyq ishki ister departamenti baspasóz qyzmetiniń habarlaǵanyndaı, kúdiktilerdiń ekeýi buǵan deıin de quqyq qorǵaý oryndarynda tirkeýde turǵan. Qazir osy iske qatysty qylmystyq is qozǵaldy.

Joldybaı Bazar.

Derekkóz: Total.kz. Foto: via-midgard.info