Qazaqstan Respýblıkasynyń «Janýarlarǵa jaýapkershilikpen qaraý týraly» Zańy 2022 jyldyń 2 naýryzynan bastap kúshine enýine baılanysty, qańǵybas ıtterdi qamap, joıý jumystary toqtatylǵan bolatyn.
Alaıda, atalǵan másele óńirde ózekti bolýyna baılanysty, Atyraý qalasy ákimdigi men barlyq aýyldyq okrýgterde qańǵybas ıtterdi aýlaý jumystary uıymdastyrylady.
- Qazirgi tańda memlekettik satyp alý konkýrstary jarııalanyp, mamyr aıynyń sońyna deıin ótkiziletin bolady. Jeńgen merdiger mekeme barlyq jumysty uıymdastyrady. Al, ıtterdi tirileı aýlaý jumystary osy jyldyń 20 mamyrynan bastap júrgiziledi. Keıin aýlanǵan ıtter arnaıy panajaıǵa ornalastyrylady, - dedi N.Boıarov.
Sondaı-aq onyń aıtýynsha, ıtterdi tamaqtandyrý, tazalyq jáne ekpe jumystarynyń barlyǵy konkýrstan utqan mekemeniń mindetine kiredi.
Al, Atyraý qalalyq veterınarlyq stansasynyń basshysy Satybaldy Orazǵalıev Qazaqstanda «Janýarlarǵa jaýapkershilikpen qaraý týraly» Zań 2 naýryzdan bastap kúshine engenin, Zańǵa sáıkes aýlanǵannan keıin úısiz janýarlar chıpteýge, zalalsyzdandyrýǵa jatatynyn málim etti. Alaıda, olarǵa jabaıy, agressıvti janýarlar jatpaıdy. Onyń aıtýynsha, merdiger uıymda janýardyń agressıvtiligin anyqtaıtyn kınolog bolady. Al, basqalarǵa zııan keltirýi múmkin jabaıy janýarlar dárilik jolmen jansyzdandyrýǵa jatady.
Aıta keteıik, byltyr óńirde 17 myńnan astam ıt atý ádisimen joıylǵan.
