2022 jylǵy 12 mamyrda Ortalyq referendým komıssııasy Aqparat jáne qoǵamdyq damý mınıstrligimen birlesip, onlaın rejiminde qoǵamdyq birlestikter ókilderine arnalǵan oqytý semınaryn ótkizdi. Jıynǵa 300 adam qatysty.
Is-shara barysynda 2022 jylǵy 5 maýsymǵa taǵaıyndalǵan respýblıkalyq referendým týraly, «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» zań jobasy, respýblıkalyq referendýmdy daıyndaý men ótkizý, qarjylandyrý, úgit, elektorattyq oqytýdy uıymdastyrý, daýys berýdi baıqaý prosesiniń erekshelikteri, sondaı-aq referendým týraly zańnamany buzǵany úshin jaýapkershilik máseleleri boıynsha túsiniktemeler berildi.
Semınardyń spıkerleri retinde Ortalyq referendým komıssııasy tarapynan QR ORK Tóraǵasynyń orynbasary Konstantın Petrov, ORK músheleri Sabıla Mustafına, Anastasııa Shegorsova jáne Asylbek Smaǵulov sóz sóıledi.
Sondaı-aq semınarda Ádilet vıse-mınıstri Alma Muqanova, Aqparat jáne qoǵamdyq damý vıse-mınıstri Danııar Kádirov, Bas prokýrordyń aǵa kómekshisi Azamat Sarǵazın, AQDM Aqparat komıteti tóraǵasynyń orynbasary Qanybek Jumashev sóz sóıledi.
Semınar aıasynda óńirlermen beınekonferensııa baılanysy jáne «Azamattyq bastamalar ortalyǵy» YouTube arnasynda kelesi silteme boıynsha onlaın kórsetilim uıymdastyryldy.
Semınar sońynda Ortalyq referendým komıssııasynyń jáne ýákiletti memlekettik organdardyń ókilderi semınarǵa qatysýshylardyń suraqtaryna tolyqqandy jaýap berdi.
Ortalyq referendým komıssııasynyń elektorattyq oqytý aıasyndaǵy buqaralyq aqparat quraldarynyń basshylaryna arnalǵan kelesi semınary 2022 jylǵy 13 mamyrda ótetin bolady.
