12 mamyrda Koreıanyń ortalyq telegraf agenttigi «Elde tótenshe jaǵdaı jarııalandy» degen habarlama taratty.
«Epıdemııaǵa qarsy maıdan 2020 jyldyń aqpan aıynan bastap eki jyl úsh aı boıy senimdi túrde qorǵaldy», delingen TASS habarlamasynda.
Phenıanda qyzýy joǵarylaǵan naýqastar tobyn testileý nátıjesinde koronavırýstyń «omıkron» nusqasy anyqtaldy. Juqtyrǵandardyń naqty sany kórsetilmegen.
Koreıa Eńbek partııasy OK Saıası Bıýrosynyń shaqyrylǵan otyrysynda KHDR basshysy Kım Chen Yn: «Biz olqylyqtardyń aldyn alý úshin barlyǵyn jasaýymyz kerek», dep málimdedi.
Ol eldiń barlyq qalalary men aımaqtarynda lokdaýndy engizýdi buıyrdy.
Aıta ketsek, buǵan deıin KHDR bıligi koronavırýs juqtyrý jaǵdaılary týraly habarlamaǵan edi.
