Qyzmetti alý úshin ótinish berýshi barlyq mindetti saýaldarǵa jaýap berip, suratylǵan qujattardy qosa berýi qajet. Faıldar pdf nemese jpg formatynda bolýy kerek.
О́tinim bergen kezde paıdalanýshy qandas mártebesin berý nemese uzartý qajet otbasy músheleri boıynsha da málimetterdi toltyra alady. Otbasy músheleriniń sany shekteýsiz. Odan ári qoljetimdi tásilderdiń birimen sıfrlyq qoltańbamen qol qoıý qajet.
Usynylǵan derekter Eńbek jáne halyqty áleýmettik qorǵaý mınıstrliginiń aqparattyq júıeleri arqyly tekseriledi.
Memlekettik qyzmetti kórsetý merzimi – 4 jumys kúni. О́tinishte usynylǵan qujattar men málimetter durys bolmaǵan jaǵdaıda, paıdalanýshy memlekettik qyzmet kórsetýden bas tartady.
Nátıjeler elektrondyq qujat túrinde paıdalanýshynyń «jeke kabınetine» jiberiledi.
