Senator Ǵumar Dúısembaev ár adamnyń ózi daýys berip, tańdaý jasaı alatynyn aýdandar men aýyl turǵyndaryna aıtyp berý – óńirge sapardyń basty maqsaty ekenin atap ótti.
«Ár daýystyń mańyzy bar. Konstıtýsııaǵa referendým arqyly 1995 jyldan beri ózgeris engizilgen joq. Sondyqtan Memleket basshysy osyndaı usynys jasady. Endi bizdiń elimizdiń árbir turǵyny qatysyp, óz ustanymyn bildirýi kerek. Daýys berý qorytyndysy negizinde Parlamenttiń aldynda konstıtýsııalyq zańdardy qabyldaý boıynsha aýqymdy jumys tur», dedi senator Dúısembaev aýdandarǵa sapar kezinde.
Senatorlar aldaǵy oqıǵalardy talqylaý maqsatynda Jambyl oblysynyń ortalyǵy men jaqyn aýdandaryna ǵana emes, shalǵaı aýyldarǵa da baratyn boldy.
Depýtattar sonymen qatar bıýdjetaralyq qatynastardy qalyptastyrý máseleleri boıynsha otyrys ótkizdi. Otyrysqa oblys basshylyǵy da qatysty.
Komıtet hatshysy Sultanbek Mákejanov memlekettiń ekonomıkalyq damýy men jańa Qazaqstandy qalyptastyrýda bıýdjetaralyq qatynastardy qalyptastyrýdyń mańyzy zor ekenin atap ótti.
«Qabyldanyp jatqan sharalar men 2019 jyly jalpy sıpattaǵy transfertterdi esepteý ádistemesiniń ózgerýine qaramastan túrli óńirlerdegi ómir súrý deńgeıin teńestirý, óńirler arasyndaǵy alshaqtyqty azaıtý, turǵyndarǵa memleket kepildik bergen teń qyzmetterdi usyný jónindegi mindetterdi sheshýge múmkindik bermeıtin birqatar problemalyq másele bar», dedi senator.
