BAQ jáne aqparat salasyndaǵy yntymaqtastyqty odan ári nyǵaıtý men damytý máseleleri talqylanǵan bul sharaǵa Túrki memleketteri uıymynyń Bas hatshysy Baǵdad Ámireev, Halyqaralyq Túrki akademııasynyń prezıdenti Darhan Qydyráli, Túrkııa Respýblıkasy Prezıdenti Apparatynyń kommýnıkasııalar basqarmasynyń basshysy, professor Fahrettın Altýn, Ázerbaıjan Respýblıkasy Prezıdentiniń kómekshisi, Prezıdenti Ákimshiliginiń Syrtqy saıasat bóliminiń basshysy Hıkmet Gadjıev, О́zbekstan Respýblıkasy Prezıdentiniń Ákimshiligi janyndaǵy Aqparat jáne buqaralyq kommýnıkasııalar agenttiginiń dırektory Asadjon Hodjaev, Majarstannyń saıası qaýipsizdik jónindegi memlekettik hatshysy Pıter Ssaraı, Qyrǵyz Respýblıkasy Mádenıet, aqparat, sport jáne jastar saıasaty mınıstrliginiń ókili Salkym Sarnogoeva, Túrikmenstannyń Túrkııa Respýblıkasyndaǵy Tótenshe jáne ókiletti elshisi Ishankýlı Amanlıev jáne ózge de medıa salasynyń ókilderi qatysty.
Halyqaralyq deńgeıdegi sharanyń negizgi bólimi túrli taqyryptyq paneldik sessııalar jáne plenarlyq otyrystar uıymdastyryldy.
Alqaly jıyn barysynda Akademııa basshysy D. Qydyráli túrki álemi medıakeńistiginiń ózara yntymaqtastyǵy týraly baıandama jasady.
Sonymen qatar, keleli basqosý aıasynda Akademııa basshysy D. Qydyráli Túrkııa Respýblıkasy Prezıdenti Apparatynyń kommýnıkasııalar basqarmasynyń basshysy, professor Fahrettın Altýnmen jáne Ázerbaıjan Respýblıkasy Prezıdentiniń kómekshisi, Prezıdenti Ákimshiliginiń Syrtqy saıasat bóliminiń basshysy Hıkmet Gadjıevpen arnaıy kezdesýler ótkizdi.
Kezdesýde tataraptar baýyrlas elder arasyndaǵy eki el arasyndaǵy aqparat jáne BAQ salasy boıynsha ózara yntymaqtastyq, qoǵamdyq dıplomatııa salasynda birlesken jumys júrgizý men tájirıbe almasý máselelerin talqylady.
