1995 jylǵy sońǵy referendýmnan keıin halyqtan eshkim bolashaǵyn jalpyhalyqtyq talqylaý arqyly anyqtaý týraly suramaǵan edi. Mine, Jańa Qazaqstannyń nobaıyn jasaıtyn Konstıtýsııalyq reformalardy Prezıdent halyqtyń qalaýyna usynyp otyr. Qarańyzdarshy, 27 jyldan keıin halyq óz bolashaǵyn basty qujat – Ata Zańyn anyqtap, Ekinshi respýblıkaǵa ótpek.
Sýperprezıdenttiń zamany ketti, qazir halyq ókilderi otyrǵan myqty Parlamenti bar prezıdenttik basqarý formasymen ómir súrýge aıaq basýdamyz. Prezıdent bıliginiń quzyretterin barynsha shektep halyqpen bólisip otyr. Budan ári aýyl, aýdan qala, oblystar óz ákimderin, máslıhattaryn saılaıdy, Prezıdenttiń usynystaryna kelisim beredi, jeke aımaqtyń qarjysyn ıgerýge qol jetkizedi. Jer men onyń qoınaýyndaǵy dúnıeniń barlyǵy halyqtiki bolyp esepteledi. О́lim jazasyna tolyq tyıym salyndy. Saılaýshylar jeke mandatpen qaıratkerler men tulǵalardy saılaı alady. Osyndaı kútiletin jańalyqtarǵa toly saıası reformalar jalpyhalyqtyq referendým arqyly anyqtalmaq.
Byltyr ǵana qyrǵyz baýyrlarymyz Konstıtýsııaǵa ózgerister engizý jóninde referendým ótkizý úrdisin bastarynan ótkerdi. Shyndap kelgende, bul – ýaqyt talaby, jańa qoǵamnyń qurylysyna ótý, jańa damýdyń belesine shyǵý degen sóz.
Maqsat JAQAÝ,
Abaı atyndaǵy QazUPÝ Rýhanı jańǵyrý Jobalyq keńse jetekshisi,
saıasattanýshy
