Kezdesý barysynda depýtattar referendým jaıly túsinikteme berip, jumysshylardyń muń-muqtajyn jáne lebizin tyńdady. Jıynda referendýmǵa qatysty tyń oılar aıtylyp, depýtattar Jańa Qazaqstandy birge qurýǵa shaqyrdy.
Májilis depýtaty Dınara Zakıeva kópbalaly ananyń áleýmettik jaǵdaıyna baılanysty suraǵyna jaýap berip, aldaǵy ýaqytta máseleniń sheshilýin óz baqylaýyna alatynyn málimdedi.
Basqosý kezinde depýtattar jalpyhalyqtyq referendýmnyń mańyzyna toqtalyp, eńbek ujymyna daýys berýdiń erejeleri men sharttaryn túsindirdi. Kezdesýde qatysýshylardyń suraǵyna naqty jaýap bergen Májilis depýtattary ár baptyń ózgerisine jeke-jeke toqtaldy. Atap aıtqanda, sýperprezıdenttik basqarý formasynan túpkilikti bas tartý, Prezıdent týystarynyń kvazımemlekettik sektor men memlekettik qyzmette basshylyqqa taǵaıyndalmaıtyndyǵy jónindegi ózgertýlerge keńinen túsinikteme berdi.
- Jer jáne jer qoınaýy – halyqtyń menshigi;
- «О́lim jazasyna» tyıym salý;
- Prezıdent jáne sýdıalar, saılaý komıssııasynyń ókilderi, áskerı jáne Ulttyq qaýipsizdik qyzmetshileri eshqandaı partııanyń, qoǵamdyq birlestikterdiń músheliginde bolmaýǵa tıis.
Sonymen qatar sharada depýtattarmen Ata Zańǵa ózgerister men tolyqtyrýlar engizý jónindegi respýblıkalyq referendýmdy qoldaýǵa qatysty salmaqty dálelder men shynaıy sebepter aıtyldy.
Uıym qyzmetkerleriniń jyly shyraıy men el taǵdyryn aıqyndaıtyn osynaý mańyzdy kezeńde belsendilik tanytýy qyzmetkerlerdiń azamattyq ustanymynyń durystyǵyn dáleldeıdi.
Shara sońynda arnaıy qaǵazǵa usynystar men talap-tilekter jazyldy.
Máseleniń basym bóligi baspana, zeınet jasyn azaıtý jáne jalaqy mólsheriniń azdyǵy boldy.
Kezdesý sońynda uıym qyzmetkerleri depýtattarǵa óz yqylystaryn bildirip, jalpyulttyq referendým ótkizý bastamasyn qoldaıtynyn jáne Jańa Qazaqstan qurý jolynda memleketke úlken senim artatynyn jetkizdi.
