Máselen, Ystanbulda uıymdastyrylǵan tórtinshi sanattaǵy ITF Juniors dodasynda Asyljan Arystanbekova men Aııa Nupbaı juptyq synda top jardy. Olar fınalda qazaqstandyq Karına Jumajanova men mysyrlyq Marıam Ibrahımdi 6:1, 6:2 esebimen utty. Bir apta buryn Asyljan men Aııa Ystanbuldaǵy taǵy bir jarysta úzdik shyqqan edi.
Al Dýshanbede 18 jasqa deıingi tennısshiler arasynda ótken dál osyndaı halyqaralyq týrnırde Artýr Haırýtdınov pen Islam Orynbasarǵa teń keler eshkim tabylmady. Olar sońǵy básekede Belarýs ókili Artem Alekseıchýk pen German Dýmsheden aılasyn asyrdy – 6:2, 7:5. Osy jarysta Islamnyń absolıýtti chempıon atanatyndaı múmkindigi bolǵan edi. Alaıda ol jekeleı synnyń fınalynda reseılik Oleg Kolnınovqa jol berdi.
Sondaı-aq Slovenııadaǵy 14 jasqa deıingiler arasyndaǵy Tennis Europe – Grawe Open serııasymen ótken dodada Damır Jalǵasbaı juptyq synda chempıondyq ataqqa qol jetkizdi. Ol ýkraınalyq Nıkıta Belozertsevpen birge fınalda jarystyń altynshy raketkalary, shvesııalyq Lınýs Anderson pen danııalyq Mads Brýnhabıdi jeńdi – 4:6, 6:2, 10:4.
