Internet arqyly esirtki zattaryn ótkizý faktileri boıynsha 82 qylmystyq is tirkeldi, jarnama jáne nasıhattaý boıynsha taǵy 37 qylmystyq is tergelýde.
«Qazir esirtki zattaryn satatyn adamdar ınternet arqyly jumys isteıdi. Olar mobıldi qosymshalardy, messendjerlerdi paıdalanady. Tólem de qashyqtan, ıaǵnı, onlaın-tólemder arqyly júrgiziledi. Tólem alynǵannan keıin satyp alýshy esirtki túıirshigi jasyrylǵan orynnyń koordınattary belgilengen silteme alady», dedi QR IIM esirtki qylmysyna qarsy is-qımyl departamenti bastyǵynyń m.a. Ashat Muhametqalıev.
Onyń aıtýynsha, atalǵan qylmystyq shemalardyń uıymdastyrýshylary ádette basqa elderde turady. Mamandar esirtkiniń taralýy týraly aqparatty qamtıtyn saıttardy, posttardy, blogtar men jarnamalardy anyqtaý úshin ınternet-keńistikke monıtorıng júrgizýde.
«Jyl basynan beri osyndaı 655 ınternet-resýrs anyqtalyp, buǵattaldy. Esirtkini ınternet-resýrstar arqyly ótkizý faktileri boıynsha 82 qylmystyq is tirkeldi, esirtkini jarnamalaý jáne nasıhattaý boıynsha 37 qylmystyq is tergelýde», dedi Ashat Muhametqalıev.
