Onyń aıtýynsha, jyl bastalǵaly beri 25 adam sýǵa batyp, 7 adam qutqaryldy, onyń 2-eýi — bala.
«Adamdardyń sýǵa ketýine jol bermeý jáne aldyn alý maqsatynda bizdiń mınıstrlik Ishki ister mınıstrligi, óńirlik ákimdikter jáne eriktilermen birlesip, shomylýǵa tyıym salynǵan oryndarda reıdter men patrýldeý jumysyn turaqty júrgizip keledi. Osy kúnge deıin atalǵan sharaǵa 36 929 adam jumyldyrylyp, 17 620 patrýldik jáne reıdtik is-shara ótti. Onyń nátıjesinde 118 azamat ákimshilik jaýapkershilikke tartyldy. Sonymen qatar aldyn alý jumystary aıasynda elimizdiń sý aıdyndarynda 7 adam sýdan qutqaryldy, onyń 2-eýi — bala», dedi Baýyrjan Syzdyqov Ortalyq kommýnıkasııalar qyzmeti alańynda ótken baspasóz máslıhatynda.
Onyń aıtýynsha, azamattardyń sýdaǵy qaýipsizdigi máselesi quzyrly organdardyń turaqty nazarynda.
«О́kinishke qaraı, qaıǵyly oqıǵalar bar. Bıyl da sýdaǵy qaýipsizdik erejelerin saqtamaý saldarynan adamdardyń qaza bolý faktileri tirkelip otyr. Atap aıtqanda, jyl basynan beri 25 adam sýǵa ketti, onyń 3-eýi — bala», deıdi ol.
