Alaıaqtar turǵyndardy Teńiz munaı kompanııasyna jumysqa ornalastyramyz dep ýáde bergen.
«Baıqońyr polısııasyna 16 turǵyn alaıaqtyń qurbany bolǵany týraly aryzdanǵan. Osy jyldyń naýryz-sáýir aılarynda eki azamat áleýmettik jeli arqyly arnaıy top ashqan. Onda aqshalaı syıaqy arqyly Atyraý oblysyndaǵy Teńiz munaı kompanııasyna jumysqa ornalastyratynyn aıtqan. Sol arqyly ár adamnan 150-200 myń teńge aralyǵynda banktegi esepshotyna aqsha aýdartqan. Jábirlenýshilerge kelgen shyǵyn úsh mln teńgege jýyqtaǵan», delingen Qyzylorda oblystyq polısııa departamentiniń habarlamasynda.
Vedomstvonyń málimetinshe, jedel-izdestirý sharalary barysynda eki kúdikti áıel ustaldy. Olardyń ekeýi de Qyzylorda oblysynda dúnıege kelgen.
Atalǵan derek boıynsha QR Qylmystyq kodeksiniń 190-babynyń 3-bóligi 4-tarmaǵymen (Alaıaqtyq) sotqa deıingi tergep-tekserý áreketteri júrgizilýde.
