ShQO polısııa departamentiniń baspasóz qyzmeti taratqan aqparatqa qaraǵanda, aýdandyq PB krımınaldyq polısııa bólimshesiniń qyzmetkerleri memleketaralyq izdeýde júrgen eki qylmyskerdi anyqtady.
Olar 30 jastaǵy Aıbek Túsiphanov pen 29 jastaǵy Dılıara Kamıtova esimdi oblys turǵyndary ekeni jáne buǵan deıin isti bolǵany belgili boldy.
«Sot úkimi boıynsha ekeýine bas bostandyǵynan shekteý jazasy taǵaıyndalǵan. Alaıda sottalǵandar probasııa qyzmetine mindetti tirkeýge kelmegen. Olardyń qaıda ekenin anyqtaý boıynsha júrgizilgen alǵashqy izdestirý sharalary nátıje bermedi. Sondyqtan olarǵa memleketaralyq izdeý jarııalaý týraly sheshim qabyldanǵan», delingen habarlamada.
Kóp uzamaı izdestirý jumystary oń nátıje berdi. Sottalǵandardyń biri Shyǵys Qazaqstan oblysy Shemonaıha aýdany Verh-Ýba aýylynda ustaldy.
Saqshylardan jasyrynǵan ekinshi adam Altaı qalasynan tabyldy.
«Polıseılerge izdeýde júrgen azamat týysynyń úıinde jasyrynyp júrgeni týraly jedel aqparat kelip túsken. Ustalǵan kezde er adam ájesiniń shkafynda jasyrynyp otyrǵan. Qazirgi ýaqytta ekeýi de ızolıatorǵa qamaýǵa alyndy», delingen habarlamada.
