Aýǵanstandaǵy turaqsyzdyq alańdatady

Jalpy, osydan 30 jyl buryn aımaqtyq qaýipsizdikti qamtamasyz etýde áýeli qaýip­sizdik týraly sharty jasalǵan bolatyn. Sonyń nátıjesinde ol UKShU-ǵa aınalǵan edi. Bul uıymnyń eń basty qaǵıdattary – aımaqtyq qaýipsizdikti qam­tamasyz etý, zańsyz kóshi-qon máselesi, esirtki jáne qarý-jaraq tasymaldaý, ekstre­mızmge qarsy kúres. Osy qaýip-qaterlerdiń aldyn alý maq­satynda UQShU músheleri bir­les­ken oqý-jattyǵýlar ótkizilip keledi.

Qazirgi tańda uıymnyń nazary Ortalyq Azııa memle­ket­terine qater tóndirip turǵan Aýǵanstandaǵy turaqsyzdyqqa aýyp tur. Osydan 5-6 jyl bu­ryn Sırııadaǵy qaqtyǵysta DAISh terrorlyq uıymynyń Aýǵanstan shekarasy arqyly Ortalyq Azııaǵa ótý qaýpi tóngen edi. Aýǵanstan úkimetine talıbandar kelgenimen bul elde áli de turaqtylyq ornaı qoıǵan joq. Sonyń saldarynan áli kúnge deıin Ortalyq Azııa memle­ket­teriniń qaýipsizdigine tóngen qaýip seıilmeı tur. Máskeýde ót­ken sammıtte Prezıdent Qasym-Jomart Toqaev bul máselege basa nazar aýdarýdy usyndy.

Sonymen qatar jıynda Qazaqstan Prezıdenti bitim­ger­shilik kúshteri týraly máse­leni de kóterdi. Elimizdegi qańtar oqıǵasy kezinde Qazaq­­stannyń shaqyrýymen UQShU-nyń bitimgerlik kúsh­teri stra­tegııalyq nysandardy qor­ǵaǵan bolatyn. Aldaǵy ýaqyt­ta olardyń quqyq­tyq dáre­jesin kóterý, ıaǵnı bitim­ger­shi­ler­di BUU-nyń bitimgershilik qyz­metimen baılanystyrý mindeti kún tárti­bine qoıylyp otyr. Bul – qazir­gi tańdaǵy eń ózekti máse­le­niń biri. Sonymen qatar Ujym­dyq qaýipsizdik týraly shart uıymynyń aımaqtyq qaýip­siz­dikti qamtamasyz etýdegi basty maqsaty Aýǵanstanda turaq­ty­lyq ornatý, soǵan yq­pal etý bolyp tabylady. Sol sebepti Qazaq­stan Prezıdentiniń usynysy erekshe nazar aýda­rar­lyq.

Qazybek MAIGELDINOV,

Qazaqstandyq qoǵamdyq damý ınstıtýty QeAQ basqarma tóraǵasy