Halyqaralyq balalar kitaby kúnderine oraı Almatydaǵy S.Begalın atyndaǵy respýblıkalyq balalar kitaphanasynda pýblısıst, balalar jazýshysy Beısenbaı Súleımenovpen kezdesý ótip, mereke merekege ulasty. Bir aıta keterligi, halyqaralyq kitap kúnderine oraı jyl saıyn álem balalaryna joldaý arnaý dástúrge aınalǵan. Bıylǵy joldaý Irlandııa memleketinen kelipti.
Balanyń ishki jan dúnıesin, tabıǵatyn, kishkentaı júrektiń lúpilin sezinip jazý kez kelgen qalamgerdiń ońtaıyna kele bermeıdi. О́ıtkeni, jasóspirimniń óz tili, óz jazý stıli, oılaý júıesi bar. Jazýshy Beısenbaı Súleımenov shyǵarmashylyǵynyń ereksheligi – taqyryptarynyń jańashyldyǵynda, oqıǵalarynyń tarıhı-tanymdyq, taǵylymdyq jaǵynan derekterge qurylatyndyǵynda, keıipkerleriniń búgingi zamanmen, búgingi ýaqytpen astasýynda. Máselen, «Kechýa taıpasynyń úndisteri», «Bes ǵasyr atylmaǵan sadaq» kitaptary oqyrmandardy qupııasy mol Ońtústik Amerıkany meken etken týystas halyq – úndister eline jetelep, olardyń syrǵa toly ómiri men búgingi tirshiliginiń mánin asha biledi. Endi birde Afrıka qurlyǵynyń «qara marjandaı» qupııasyn aıqara ashady. Bul jazýshynyń izdenisi, jeńisi, eshkimge uqsamaıtyn shyǵarmashylyq sheberligi. «Qýanyshty kún», «Tentekter», «Kúnnen kelgen adam», Qazaqstan Prezıdenti syılyǵyn alǵan «Han shatyrdaǵy kezdesý» tarıhı-tanymdyq, ertegi povesteri sonyń aıǵaǵy.
Keshtiń taǵy bir atap óter ereksheligi – mundaı shara ótkizýdegi qatyp qalǵan zańdylyqtan qashyp, kezdesýdiń jazýshy shyǵarmasyndaǵy keıipkerlermen bas-aıaǵy jumyr, balalardyń ishin pystyrmaı, qyzyqtyratyndaı sahnalanyp qoıylýy. Shynynda da kópshiligimiz, kitaphanany tynysh otyryp kitap oqıtyn oryn dep túsinedi ekenbiz. Kitaphana dırektory Sofııa Raevanyń aıtýynsha, munda dramalyq stýdııa, ınternet synyp, beınerolıkter kórsetý sekildi onnan asa úıirme bar. Al eń kishkentaı oqyrmandary eki-úsh jasta. Bul joly kezdesýdi ótkizýdiń formasyn tapqan kitaphana qyzmetkerleri – Ásem Moldasanova (Iýnıko), Gúlnar Nuǵybaeva (Tazsha bala), tómengi synyp oqýshylaryna arnalǵan oqý zaly sektorynyń meńgerýshisi Tumar Mókeshova (Kúnekeı qyz) men Sh.Ýálıhanov atyndaǵy №12 mekteptiń 3 «E», 4 «B» synyby oqýshylarynyń eńbegin atap ótkenimiz abzal.
– Meniń negizgi maqsatym – balalarǵa qyzmet etip, mereke jasaý, – dedi kezdesý keıipkeri. – О́ıtkeni, búldirshinderdiń qamqorlyǵyn kóp kórdim. Búkil dúnıejúzin – Afrıka, Amerıka qurlyǵyn aralatqan osy balalar. Oqýshy kezimde armandaǵan ataqty Artek lagerine de balamdy alyp, «Qazaqstan pıoneri» gazetiniń atynan bardym. Sodan da shyǵar, jazǵan eńbekterimdi tek jasóspirimderge arnadym. 20 myń danamen jaryq kórgen «Bes ǵasyr atylmaǵan sadaqty» kezinde tegin tarattym. Kezdesýge barǵan jerimde kitaptarymdy qushaqtap aparyp, balalarǵa áńgime aıtyp, syılap qaıtamyn. Byltyr osy balalardyń basyn qosyp, jınalyp, áńgime-dúken quratyn qara shańyraqta úsh ret kezdesý ótkizip, 120 balaǵa kitaptarymdy tegin syıladym. Kitaphana qyzmetkerlerine, dırektory Sofııa Raevaǵa kóp rahmet. Ǵımarattaryna ǵımarat qosylyp, keńeıip jatyr eken, qutty bolsyn!
Qoıylymnan soń balalar jazýshy aǵalarymen keńinen otyryp áńgimelesip, suraqtaryna jaýap alyp, estelikke sýretke tústi. Kelgen oqýshynyń barlyǵy «Han shatyrdaǵy kezdesý» kitabyna avtograf jazdyryp, oǵan qosa qabyrǵaǵa ilinetin bir-bir kúntizbe, bir-bir shaqpaq táttilerin alyp tarqasty.
Gúlzeınep SÁDIRQYZY,
«Egemen Qazaqstan».
ALMATY.
Balanyń ishki jan dúnıesin, tabıǵatyn, kishkentaı júrektiń lúpilin sezinip jazý kez kelgen qalamgerdiń ońtaıyna kele bermeıdi. О́ıtkeni, jasóspirimniń óz tili, óz jazý stıli, oılaý júıesi bar. Jazýshy Beısenbaı Súleımenov shyǵarmashylyǵynyń ereksheligi – taqyryptarynyń jańashyldyǵynda, oqıǵalarynyń tarıhı-tanymdyq, taǵylymdyq jaǵynan derekterge qurylatyndyǵynda, keıipkerleriniń búgingi zamanmen, búgingi ýaqytpen astasýynda. Máselen, «Kechýa taıpasynyń úndisteri», «Bes ǵasyr atylmaǵan sadaq» kitaptary oqyrmandardy qupııasy mol Ońtústik Amerıkany meken etken týystas halyq – úndister eline jetelep, olardyń syrǵa toly ómiri men búgingi tirshiliginiń mánin asha biledi. Endi birde Afrıka qurlyǵynyń «qara marjandaı» qupııasyn aıqara ashady. Bul jazýshynyń izdenisi, jeńisi, eshkimge uqsamaıtyn shyǵarmashylyq sheberligi. «Qýanyshty kún», «Tentekter», «Kúnnen kelgen adam», Qazaqstan Prezıdenti syılyǵyn alǵan «Han shatyrdaǵy kezdesý» tarıhı-tanymdyq, ertegi povesteri sonyń aıǵaǵy.
Keshtiń taǵy bir atap óter ereksheligi – mundaı shara ótkizýdegi qatyp qalǵan zańdylyqtan qashyp, kezdesýdiń jazýshy shyǵarmasyndaǵy keıipkerlermen bas-aıaǵy jumyr, balalardyń ishin pystyrmaı, qyzyqtyratyndaı sahnalanyp qoıylýy. Shynynda da kópshiligimiz, kitaphanany tynysh otyryp kitap oqıtyn oryn dep túsinedi ekenbiz. Kitaphana dırektory Sofııa Raevanyń aıtýynsha, munda dramalyq stýdııa, ınternet synyp, beınerolıkter kórsetý sekildi onnan asa úıirme bar. Al eń kishkentaı oqyrmandary eki-úsh jasta. Bul joly kezdesýdi ótkizýdiń formasyn tapqan kitaphana qyzmetkerleri – Ásem Moldasanova (Iýnıko), Gúlnar Nuǵybaeva (Tazsha bala), tómengi synyp oqýshylaryna arnalǵan oqý zaly sektorynyń meńgerýshisi Tumar Mókeshova (Kúnekeı qyz) men Sh.Ýálıhanov atyndaǵy №12 mekteptiń 3 «E», 4 «B» synyby oqýshylarynyń eńbegin atap ótkenimiz abzal.
– Meniń negizgi maqsatym – balalarǵa qyzmet etip, mereke jasaý, – dedi kezdesý keıipkeri. – О́ıtkeni, búldirshinderdiń qamqorlyǵyn kóp kórdim. Búkil dúnıejúzin – Afrıka, Amerıka qurlyǵyn aralatqan osy balalar. Oqýshy kezimde armandaǵan ataqty Artek lagerine de balamdy alyp, «Qazaqstan pıoneri» gazetiniń atynan bardym. Sodan da shyǵar, jazǵan eńbekterimdi tek jasóspirimderge arnadym. 20 myń danamen jaryq kórgen «Bes ǵasyr atylmaǵan sadaqty» kezinde tegin tarattym. Kezdesýge barǵan jerimde kitaptarymdy qushaqtap aparyp, balalarǵa áńgime aıtyp, syılap qaıtamyn. Byltyr osy balalardyń basyn qosyp, jınalyp, áńgime-dúken quratyn qara shańyraqta úsh ret kezdesý ótkizip, 120 balaǵa kitaptarymdy tegin syıladym. Kitaphana qyzmetkerlerine, dırektory Sofııa Raevaǵa kóp rahmet. Ǵımarattaryna ǵımarat qosylyp, keńeıip jatyr eken, qutty bolsyn!
Qoıylymnan soń balalar jazýshy aǵalarymen keńinen otyryp áńgimelesip, suraqtaryna jaýap alyp, estelikke sýretke tústi. Kelgen oqýshynyń barlyǵy «Han shatyrdaǵy kezdesý» kitabyna avtograf jazdyryp, oǵan qosa qabyrǵaǵa ilinetin bir-bir kúntizbe, bir-bir shaqpaq táttilerin alyp tarqasty.
Gúlzeınep SÁDIRQYZY,
«Egemen Qazaqstan».
ALMATY.
