Qazaqstan tennıs federasııasynyń baspasóz qyzmetiniń aqparaty boıynsha, A.Danılına amerıkalyq Ingrıd Nılmen birge bastapqy kezdesýin marokkolyq Iаsmın Kabbaı men reseılik Ekaterına Kazıonovamen ótkizdi. Qazaqstandyq-amerıkalyq jup eki setke jalǵasqan oıynda qarsylastarynan 6:1, 6:2 esebimen basym túsken. Bir saǵatqa sozylǵan matchta olar 11 breık-poınttyń tórteýin paıdalana bildi. A.Danılına men I.Nıldiń shırek fınaldaǵy qarsylastary keıin anyqtalady.
Qazaqstandyq tennısshi jekeleı synda da baq synap kórgen. Alaıda irikteý saıystarynyń fınalynda reseılik Ekaterına Reıngoldqa 5:7, 1:6 esebimen jol berip, negizgi týrnırge óte almady.
Qazaqstannyń erler arasyndaǵy birinshi, álemniń 41-raketkasy Aleksandr Býblık Jeneva ATP 250 jarysynyń alǵashqy aınalymynda Polsha ókili Kamıl Maıchrzaktan jeńilip qaldy – 1:6, 7:6 (7:4), 3:6.
