Vedomstvonyń málimetinshe, 2022 jylǵy 15 mamyrda saǵat 03.34 shamasynda Turan dańǵyly, 50 mekenjaıy boıynsha «Turan 1» MKK qurylys alańynyń aýmaǵynda paıdalaný kezinde qurylys-montajdaý jumystaryn júrgizý kezinde apat oryn alǵan.
«Aldyn ala málimet boıynsha, krannyń symy úzilip, metall ilmek qulap ketken. Sonyń saldarynan bir jumysshy oqıǵa ornynda qaıtys boldy. Bul apatty tekserý úshin arnaıy komıssııa quryldy», delingen habarlamada.
Apattyń sebepteri men mán-jaıyn anyqtaý maqsatynda komıssııa jumysyna tótenshe jaǵdaılar mınıstrligi ónerkásiptik qaýipsizdik komıtetiniń Nur-Sultan qalasy boıynsha departamentiniń qyzmetkeri jetekshilik etetini atap ótildi. Tergeý nátıjeleri keıinirek jarııalanady dep ýáde berildi.
Aıana Toǵanbek
