«Birneshe apta jedel aqparatty tekserdik. Kúdiktilerdiń qylmystyq áreketi rastaldy. «Gashısh» satqan elıtalyq meıramhanalardyń biriniń aspazy 1973 jyly týǵan M. esimdi azamat jumys ornynda ustaldy.
Sondaı-aq kúdiktiniń turǵylyqty jerin tintý barysynda eki sirińke qorapshasynan jáne syǵymdalǵan gashısh salynǵan dóńgelek býmadan esirtki zaty tabyldy», dedi Almaty qalasy PD Esirtki qylmysyna qarsy kúres basqarmasy bastyǵynyń orynbasary Saǵyndyq Aıaǵanov.
Sonymen qatar tekserý barysynda esirtki satýmen aınalysqan 42 jastaǵy aspaz-áıel anyqtalǵan. D. esimdi azamatshanyń úıinen untaq zat salynǵan paket tabylyp, onyń shynaıy esirtki ekeni sot-hımııalyq saraptama arqyly dáleldengen.
Eki derek boıynsha QR QK-niń 297-baby 1-bólimine saı qylmystyq is qozǵaldy.
