Jattyǵý. Sheshim. Nátıje

Qazaqstan Respýblıkasynyń Aeroutqyr áskerlerinde brıgadalyq-taktıkalyq jattyǵýlar júrip jatyr

Qazaqstan Qarýly Kúshteriniń Aeroutqyr áskerlerinde brıgadalyq-taktıkalyq jattyǵýlar ótip jatyr. Qurlyq áskerleriniń jaýyngerlik daıarlyq josparyna sáıkes brıgadalyq-taktıkalyq oqý-jattyǵýlar 18 sáýirge deıin sozylady. Ol birneshe kezeńnen turady. Áýeli Aeroutqyr áskerleri tolyq jaýyngerlik ázirlikke keltirildi jáne shartty jaýyngerlik is-qımyl aýdandaryna jetkizildi. Jaýyngerlik aýdandarǵa marsh jasaý barysynda desantshylar basqarý, ózara áreket etý, bólimshelerdiń aýyzbirligi máse­leleri sheshiledi jáne túnde Ile óze­ninen júzip ótedi. Aeroutqyr ás­ker­­leriniń tórt garnızony úsh ba­ǵyt bo­ıynsha kópshaqyrymdy marsh jasaıdy. – О́tkizilip jatqan oqý-­jat­tyǵýdyń erek­she­ligi Qazaq­­­stan Respýblıkasy Qarýly Kúsh­te­riniń tarıhynda tuńǵysh ret tehnıkany ózen arqyly túnde alyp ótý bolyp tabylady. Oqý-jattyǵýlarǵa bar­lyǵy 2 myńnan astam áskerı qyzmetshi, 500 birlik jaýyngerlik mashına qatysady, olardyń ishinde 100-i brondy tehnıka, – dep atap ótti Qurlyq áskerleri bas qol­bas­shysynyń orynbasary – QR QK QÁ Bas shtabynyń bastyǵy general-maıor Ádilbek Aldabergenov. Sý bógetin basyp ótpesten buryn bólimsheler qarsylastyń kúshin  anyqtaý maqsatynda jergilikti jerge barlaý júrgizedi. Sodan keıin ınjenerlik-sa­per­ler brıgada­synyń mamandary ja­ǵalaý aımaǵyn mınadan aryltý jumystaryn júrgizedi. Shartty qar­sylastyń tylyna tikushaqtan parashıýtpen áýe desanttary túsiriledi. Qarama-qarsy jaǵada ornalasý jáne negizgi kúshterdi tas­taý úshin jaıly jaǵdaı jasaý maq­satynda áskerı barlaý jáne desanttyq-shabýyldaý batalony BTR-80 Ile ózenin kesip ótedi. Aýyr jáne dóńgelekti tehnıka ınjenerlik bólimsheler bekitken qalqymaly kópir arqyly alyp ótiledi. Erteń oqý-jattyǵýdyń belsendi fazasy barysynda Aeroutqyr áskerleriniń batalony áskerı is-qımyldardy taýda ótkizedi, pılotsyz ushý apparattaryn qoldana otyryp, reıdtik izdestirý jumystaryn, atalǵan aýdandarda tazalaý ju­mys­taryn  júrgizedi. «Egemen-aqparat».