Esimov «eki qolǵa bir kúrek aldy». Senbilik sosyn qyzyp júre berdi

Almaty qalasynyń ákimi Ahmetjan Esimovtiń bastamasymen, elimizge tanymal óner jáne sport qaıratkerleriniń qatysýymen atalmysh shahardyń 130 myńnan astam turǵyny senbilikke shyqty. Bulardyń arasynda KSRO jáne Qazaqstannyń Halyq ártisi Álibek Dinishev, belgili kınorejısser Ermek Tursynov, grek-rım kúresinen Olımpıada chempıony Jaqsylyq Úshkempirov syndy tanymal azamattar boldy. Bul týraly «Ekspress K» habarlady. Senbilik jumystary Abaı jáne Jarokov kósheleri qıylysyndaǵy metro stansasynyń mańynan aǵash otyrǵyzýdan bastaldy. Sodan keıin senbilikke qatysýshylar Almaty qalasynyń barlyq kósheleri men úı aýlalaryn tazalaý isine kirisip ketti. Senbilikte stýdentter men qoǵamdyq birlestikterdiń ókilderi belsendilik kórsetti. Ahmetjan Esimov sharaǵa qatysýshylar aldynda: «Almatyda buryn-sońdy dál osyndaı aýqymda senbilik ótpegen. Budan biz qala turǵyndarynyń qorshaǵan ortaǵa janashyrlyqpen qaraıtyndaryn uǵamyz. Biz qalamyzdy jasyl jelekti etý úshin kóp jumys atqaramyz», – dedi. Elimizdi kógaldandyrýǵa baılanysty qabyldanǵan baǵdarlama aıasynda Almaty men onyń aınalasyndaǵy aǵashtar 100 myńǵa artqan. Bıyl Almaty qalasyn zaqymdanǵan jáne «jasy kelgen» aǵashtardan tolyq tazartý isi aıaqtalmaq. Joldybaı Bazar. Derekkóz: «Ekspress K». Foto: kapshagai.kz.