Aqparattandyrýdyń tıimdi tásilderi qoldanylady

Otyrys barysynda jalpy­ha­lyqtyq referendýmǵa daıyndyq barysy jan-jaqty pysyqtaldy. Atap aıtqanda, jergilikti atqa­rýshy organdardyń daýys berýge arnalǵan ýchaskelerdi mate­­rıaldyq-tehnıkalyq jaraq­tan­dyrý, múmkindigi shekteýli adam­dardyń quqyqtaryn qamta­masyz etý jóninde jaǵdaılar ja­saý, referendým komıssııa­syna respýblıkalyq referen­dýmǵa qatysýǵa quqyǵy bar aza­mat­tardyń tizimderin berý jóninde júrgizgen jumystary sóz boldy. Sonymen qatar, referendým ótkizý kezinde daýys berýge arnalǵan bıýlletenderdiń sanyn belgileý, daýys berý jáne onyń qorytyndylaryn shyǵarý tártibi jan-jaqty talqylandy.

Osy máseleler boıynsha baıandaǵan oblystardyń, Nur-Sultan, Almaty jáne Shymkent qalalary ákimdikteriniń apparat basshylary daýys berýge arnalǵan ýchaskelerdi materıaldyq-teh­nıkalyq jaraqtandyrý, múm­kin­digi shekteýli adamdardyń quqyqtaryn qamtamasyz etý bo­ıynsha jaǵdaılar jasaý jóninde júrgizilgen jumystar týraly habarlady.

Ortalyq referendým komıs­sııasynyń tóraǵasy Nurlan Ábdi­rov el aýmaǵynda daýys berýge ar­nalǵan 10 013 ýchaske jumys isteıtinin atap ótti. Sondaı-aq ol jergilikti atqarýshy organdardyń quzyreti aıasyndaǵy daýys berý kúnin uıymdastyrý jónindegi barlyq máseleler mindetti túrde sheshilýi qajettigin jáne erekshe baqylaýda bolýy tıis ekenin atap ótti.

Komıssııa hatshysy Muhtar Erman «Respýblıkalyq referendým týraly» Konstıtýsııalyq zańnyń 27-babyna sáıkes daýys berýge arnalǵan bıýlletenderdi daıyndaý tártibin Ortalyq referendým komıssııasy aıqyn­daıtynyn habarlady.

Konstıtýsııalyq zańnyń nor­ma­laryna súıene otyryp, Ortalyq referendým komıs­sııasynyń «2022 jylǵy 5 maý­symǵa taǵaıyndalǵan respýb­lı­kalyq referendým ótkizý ke­zinde daýys berýge arnalǵan bıýl­le­tenderdiń sanyn belgi­leý týraly» qaýlysy qabyl­dandy. Kons­tıtýsııalyq zańda bel­gi­len­gen tártippen respýblıkalyq refe­­rendýmǵa qatysýǵa quqyǵy bar azamattardyń tizimderi re­fe­­ren­dým komıssııasyna usy­ny­­lyp, tıisti ákimniń qoly qoıyldy.

Oblystardyń, Nur-Sultan, Almaty, Shymkent qalalary ákim­dikteriniń, respýblıka bo­ıynsha jergilikti atqarýshy or­gan­dardyń ókilderi usynǵan máli­met­ter men esepterge sáıkes tizim­derge 11 722 536 azamat engizildi.

Otyrys sońynda N.Ábdirov azamattardy daýys berý ýaqyty men orny týraly keńinen habardar etý jóninde jumys júrgizý qajettigin alǵa tartty. «Bul dástúrli túrde qoldanylyp otyrǵan «daýys berýge shaqyrý qaǵazdary» sııaqty tásilderden bastap, Sıfrlyq damý, ınnovasııalar jáne aeroǵarysh ónerkásibi mınıstrliginiń zamanaýı gadjetteri men SMS-habarlamalaryn paıdalanýǵa deıingi aqparattandyrýdyń ártúrli, yńǵaıly ári tıimdi tásilderi bolýy tıis», dep atap ótti ol.

N.Ábdirov aldaǵy respýb­lıkalyq referendýmǵa qoǵamdyq birlestikter ókilderiniń, BAQ ókilderiniń, shet memleketterden baıqaýshylardyń qatysý máselelerine, sondaı-aq ýchaskelik referendým komıssııalarynyń múshelerin daýys berý kúni aldynda oqytýǵa, onyń ishinde azamattardyń «Elektrondyq úkimet» portalynda tirkelgen jeri boıynsha málimetterdi tekserý onlaın-servısiniń jumysy boıynsha oqytýǵa erekshe nazar aýdarý qajettigin atap ótti.

Sondaı-aq, Ortalyq referendým komıssııasynyń basshysy otyrysqa qatysýshylardy referendýmǵa daıyndyq jáne ony ótkizý máseleleri boıynsha ORK músheleriniń óńirlerge ınspeksııalyq saparlary jos­parlanyp otyrǵany týraly habarlady. Atap aıtqanda, halyqty aqparattandyrý, ýchaskelerdiń daýys berý kúnine daıyndyǵy jáne azamattardyń daýys berýi úshin, onyń ishinde daýys berý kezinde múgedektigi bar jáne erekshe qajettilikteri bar azamattar úshin qajetti jaǵdaılar jasaý máseleleri qaralatyn bolady.

Otyrystyń sońynda BAQ ókilderine arnalǵan dástúrli brıfıng ótti.