Jalpy qoldaý tapty. Zeınet jasyna jetken aqyn-jazýshylarǵa aı saıyn alatyn azǵantaı zeınetaqysyna qosa, aı saıyn belgili mólsherde kómek aqsha berilgeni durys degen qoǵamdyq pikir qalyptasty. Qoldaýshy jetkilikti, osy tilek az ǵana ýaqyt ishinde iske asady dep úmittenip júrgender qarasy tipten kóp. Burynǵy kemshiliktiń bári túzelip, dúnıe óz ornyna kelip jatqan búgingi shaqta, Jańa Qazaqstan quramyz dep talpynyp jatqan qazirgi kezde bul ıgi tilek te júzege asady degen oıdamyz.
Búgingi negizgi aıtpaǵymyz mynaý edi. Aqyn-jazýshylardyń sońǵy kezden tartyp, osyǵan deıin baspa betin kórgen túrli jazba dúnıelerine, áńgimelerine, óleń-dastandaryna, basqadaı ǵylymı maqalalaryna qalamaqy tólenbeıdi. Bul olqylyqtyń oryn alǵanyna da talaı jyl boldy. Endi qashanǵa deıin jalǵasa bermek.
Ekinshi aıtarymyz, memlekettik organdar jyl saıyn úzdik ádebı-ǵylymı kitaptarǵa báıge jarııalaıdy. Kitaptar óz atalymy boıynsha júldege qol jetkizedi. Biraq sol alǵan aqshasy múldem mardymsyz. Ánsheıin kóńil aldaǵan bir az nápaqa.
Úshinshiden, bıyl Prezıdenttiń sheshimimen «Balalar jyly» bolyp belgilendi. Endeshe, balalar ádebıetine de kóńil bólgen jón. Balalarǵa arnalǵan kitaptardyń da taralymyn kóbeıtý qajet. Ol eń keminde 10-15 myńnan kem bolmaýǵa tıis. Sonymen qatar balalarǵa arnap jazylǵan kitaptardyń aqshasyn da eki-úsh ese kóterý kerek. Sonda ǵana turaqty balalar aqyn-jazýshylary qalyptasady.
Dánesh AHMETULY,
jazýshy
ALMATY
