Álemniń 100 elinen 4 000-nan astam sportshy qatysqan jarysta jerlesterimiz jalpy sany 29 júlde enshilep, jalpykomandalyq esepte 13-orynǵa taban tiredi. Medal kórsetkishi boıynsha Ýkraına sportshylaryna teń keler qarsylas tabylmady. Olar 138 (62 altyn, 38 kúmis, 38 qola) medal jıyntyǵyn oljalap, týrnır kestesinde top jardy. Ekinshi oryn alǵan AQSh quramasynyń qorjynynda 55 (20, 11, 14) medal bar bolsa, úshinshi oryndaǵy Iran sportshylary 40 (14, 12, 14) júlde jeńip aldy.
Osydan tórt jyl buryn Samsýnda (Túrkııa) ótken XXIII Sýrdlımpıadada qazaqstandyq sportshylar 1 altyn, 1 kúmis jáne 5 qola medalmen jalpykomandalyq esepte 25-orynǵa turaqtaǵan edi. Aıta keteıik, sýrdlımpıadalyq sport túrlerin qoldaý maqsatynda memleket tarapynan beriletin qarjylaı syıaqy mólsheri Olımpıada jáne Paralımpıadamen teńestirilgen.
