Qazaqstan jaıly jazatyn shetel jýrnalısteri úshin konkýrs jarııalandy

Qazaqstan jaıynda qalam tartqan sheteldik jýrnalıster arasynda konkýrs ótetin boldy. Bul týraly Qazaqstannyń AQSh-taǵy elshiligindegi derekkózine silteme jasaǵan egemen.kz tilshisi habarlady. Atalmysh elshilik ókili Nurǵalı Arystanovtyń aıtýynsha, Syrtqy ister mınıstrligi men Qazaqstan Jýrnalıster odaǵy birlese jarııalaǵan konkýrsqa Soltústik jáne Ońtústik Amerıkadan, Eýropa men TMD elderinen, Taıaý Shyǵys pen Azııadan, sondaı-aq Avstralııadan jýrnalıster qatysady. Olar Qazaqstannyń ekonomıkasy, saýda qatynastary, mádenıeti men dástúri, týrızmdegi áleýeti men el tarıhy týrasynda materıaldar ázirlep, ústimizdegi jylǵy 15 maýsymǵa deıin tapsyrýlary tıis. Konkýrs qorytyndysynda ár qurlyq pen aımaqtan bir-bir jeńimpaz anyqtalyp, úzdik shyqqan jýrnalıstke elimizdi aralaý múmkindigi beriledi. Olar Air Astana kompanııasynyń ushaǵymen Qazaqstanǵa kelip, Almaty jáne Astana qalalaryndaǵy  Rixos qonaqúılerine toqtaıdy. Alataýdyń tabıǵatyn tamashalap, Baıqońyrǵa baryp, ózge de mádenı-tanymdyq, týrıstik baǵyttarmen jete tanysatyn bolady. Anar Tóleýhanqyzy. Derekkóz: egemen.kz.