BUU sarapshylary Qazaqstandaǵy sholýǵa daıyndyqqa oń baǵa berdi

Astanaǵa 7-11 sáýir aralyǵynda  Qazaqstannyń BUU Sybaılas jemqorlyqqa qarsy konvensııa qaǵıdalaryn júzege asyrý barysyn sholý maqsatynda Pákstan jáne Katar sarapshylary kelip qaıtty. Bul týraly egemen.kz tilshisi habarlady. Sholý barysynda BUU Sybaılas jemqorlyqqa qarsy konvensııa qaǵıdalaryn is júzinde qoldanýdyń praktıkalyq mysaldarymen tanysqan sarapshylar memlekettik organdarmen qatar, úkimettik emes uıymdary ókilderimen  de júzdesti. Bul kezdesýlerdiń qorytyndylary boıynsha, Pákstan men Katar sarapshylary eldik sapar uıymdastyrylýynyń joǵary deńgeıin atap ótip, qazaqstandyq taraptyń sholýdy ótkizýge «tııanaqty daıyndyǵyn» oń baǵalady. Sholý týraly eldik baıandamany daıyndaý úshin sol elge sapar mańyzdy shart bolyp tabylady. Sholýdyń túıindemesin BUU Esirtki jáne qylmys jónindegi basqarmasy (BUU EQB) daıyndap, Konvensııanyń júzege asyrylý barysyn sholý jónindegi Úkimetaralyq jumys tobynyń kezekti 2014 jylǵy maýsymda ótetin májilisine usynylady dep kútilip otyr. Anar Tóleýhanqyzy. Derekkóz: egemen.kz.