О́ńirlik kommýnıkasııalar qyzmetinde ótken baspasóz jıynynda Pavlodar oblysy TJD basshysynyń orynbasary Qaırat Shaımardenov apattyń sebebin málim etti.
«Qazir terek mamyǵy túsetin kezeń bastaldy. Balalar sony órtep oınaıdy. Turǵyndarǵa balalarymen keńes ótkizýdi usynamyz. Al, uıymdardyń basshylaryn óz aýmaqtaryn tazalaýǵa, abaı bolýǵa shaqyramyz. О́ıtkeni saldary aýyr bolýy múmkin. Mysaly, keshe balalardyń mamyq órtep oınaýy saldarynan eki qabatty turǵyn úıde órt shyqty», dedi Qaırat Shaımardenov.
Onyń aıtýynsha, oqıǵa ornynda tergeý júrgizý kezinde balalardyń mamyq órtep oınaǵany anyqtalǵan.
«Vıdeosy da bar. Kýágerlerden jaýap alyndy. Olardyń aıtýynsha, órttiń shyǵýyna balalardyń otty abaısyz qoldanýy sebep bolǵan», dedi Qaırat Shaımardenov.
Atalǵan faktige qatysty is oblystyq polısııa departamentine joldanǵan. Kináliler boıynsha sońǵy sheshimdi polısııa departamenti shyǵarady.
