Qazaqstan medısınasy transplattaýdyń jańa belesine kóshedi

Búgin, 16 sáýir kúni Parlament Májilisiniń otyrysynda tinder men aǵzalardy transplattaý jaıy qaraldy. Bul týraly egemen.kz tilshisi habarlady. Áńgime Qazaqstan Respýblıkasynyń «Halyq densaýlyǵy jáne densaýlyq saqtaý júıesi týraly» Kodeksine ózgerister men tolyqtyrýlar engizý týraly» zań jobasyn qaraý barysynda qozǵaldy. Zań jobasy boıynsha baıandama jasaǵan Densaýlyq saqtaý mınıstri Salıdat Qaıyrbekova qazirgi ýaqytta densaýlyq saqtaý salasynda jańa tásilder aıqyndalyp, qoǵamdyq qatynastardy damytýdyń jańa deńgeıi belgilenip otyrǵanyn erekshe atady. «Negizinen zań jobasynyń maqsaty – qoldanystaǵy zańnamalyq olqylyqtardy joıý, densaýlyq saqtaý júıesin    jetildirý jáne azamattardyń quqyqtaryn qamtamasyz etý», - dedi mınıstr. Onyń aıtýynsha, jańa zańnyń jobasynda tinderdi (tinniń bóligin) men aǵzalardy (aǵzalardyń bóligin) transplanttaýǵa qatysty normalar edáýir jetildirilip otyr. Vedomstvo basshysy transplantasııa úderisin jetildirý jáne donorlar men olardyń klıentteriniń quqyǵyn qorǵaý maqsatynda gemopoetıkalyq tin jasýshylaryn transplanttaýdy retteý máselesi qarastyrylyp otyrǵanyna toqtaldy. Tiri donordan ulpa nemese organdy alý tek qana onyń jazbasha notarıaldyq kýálandyrylǵan kelisimimen júzege asatyn bolady. Al gemopoetıkalyq tin jasýshalaryn alýǵa ondaı notarıaldyq kýálandyrylǵan kelisim talap etilmeıdi. Asqar Turapbaıuly. Derekkóz: egemen.kz.