Bas bolmaqqa umtylǵan bala kóńil

Bul is-shara – jas urpaqtyń boıyna parasatty patrıotızmdi, berik bilim men ózin ózi qamshylap, jetildirýge degen ǵalamat qushtarlyqty ushtaý­ǵa jáne qurbylaryna úlgi etýge baǵyt­talǵan bastama. Ári ózderi aýdan­dyq jáne qalalyq irikteý ke­zeń­de­ri­nen ozyp shyqqan órender eken. Olarǵa oblys ortalyǵyndaǵy daryndy balalarǵa arnalǵan №3 ob­lys­tyq mamandandyrylǵan mek­tep-ınternattyń jampozdary qo­syl­­dy. Júzden júırik, myńnan tul­par shyǵatyn, kórermenniń qanyn qyzdyryp, kókiregine rızashylyq sezim uıalatatyn básekeniń bási de kileń saıdyń tasyndaı búgingi zamannyń qııaǵa qanat qaqqaly turǵan temirqanat balapandardyń kóptigimen qyza tústi.

Mazmuny tereń, mándi is-sharany olys­tyq bilim basqarmasynyń «Aq­mo­la daryny» daryndy balalar men talantty jastardy anyqtaý jáne qol­daý jónindegi ortalyǵy men ob­lys­tyq «Jas ulan» biryńǵaı ba­la­­lar men jasóspirimder uıymy» qo­ǵam­dyq birlestigi uıymdastyryp otyr. Baıqaýǵa qatysýshylar al­dy­men jatyq, jalyndy tilmen óz­de­rin tanystyrdy. Byltyrǵy oqý jylynda ótkizilgen mazmundy is-sharalar týraly sholý jasaldy. Árqaısysy ózderiniń qııal qa­nat­y jetken jerine deıin baryp, óz­de­ri osylaı durys bolady-aý dep top­shy­laǵan baǵyty boıynsha túzgen baǵ­darlamalarymen tanystyrdy. Ási­re­se, shyǵarmashylyq sheberhanasy kóp kóńilin ózine aýdar­ǵan mazmundy atalym boldy.

Qorytyndysyn sarapqa salǵan kezde Kókshetaý qalasyndaǵy Abaı atyndaǵy daryndy balalarǵa arnalǵan №3 oblystyq mamandandyrylǵan mektep-ınternatynyń ulanbasy Alýa Dýlatova ıe boldy. Talaby tas jaratyn ózge de oqýshylar arnaıy syı­lyqtarǵa ıe boldy. Osyndaı maz­mun­dy sharalar jıi ótkizilse, ózge oqý­shylar da top jarǵan tarlanbozdarmen úzeńgi qaǵystyrmaq bolyp umtyla túser edi.

KО́KShETAÝ