Qazaqstandyq tennısshi pákistandyq Aısam-ýl-Hak Kýreshımen birge bastapqy kezdesýin fransııalyq Iýgo Blanshe men Albano Olıvettımen ótkizdi. Tartysty matchta qazaqstandyq-pákistandyq jup 7:6 (7:5), 7:6 (7:5) esebimen jeńiske jetti. Nedovesov pen Kýreshı juby jartylaı fınalǵa shyǵý úshin osy dodanyń 3-raketkalary, belgııalyqtar Sander Jılle – Ioran Flıgenmen kezdesedi.
Sondaı-aq dál osy Fransııadaǵy áıgili «Rolan Garros» týrnıriniń irikteý saıysyna qatysyp jatqan álemniń 191-raketkasy qazaqstandyq Tımofeı Skatov alǵashqy jeńisine qol jetkizdi. Ol dúnıejúzilik reıtıngte 145-orynda turǵan amerıkalyq Mıtchell Krıýgermen kezdesip, eki sette – 6:1, 6:0 esebimen qarsylasyn bet qaratpaı utty. Tımofeı keshe argentınalyq Rodrıges Tavernamen fınaldyń joldamasyn sarapqa salyp, eki sette – 7:5, 6:1 esebimen jeńilip qaldy. О́kinishke qaraı, Dmıtrıı Popko men Zarına Dıas ta alǵashqy aınalymda qarsylastaryna jol berip, jarys jolynan shyǵyp qaldy.
