2022 jylǵy 15 sáýirden bastap konkýrsqa respýblıkalyq, aımaqtyq telearnalardan, aqparattyq agenttik jýrnalısterinen, joǵary oqý oryndarynyń stýdentterinen túrli janrda 60-qa jýyq shyǵarmashylyq jumys kelip tústi. Teleradıokorporasııa tarapynan arnaıy qurylǵan komıssııa 4 úmitkerdiń jumysyn úzdik dep tanydy.
Ár atalym boıynsha baıqaý jeńimpazdary:
«Úzdik derekti fılm» atalymy boıynsha Kamal Smaıylov atyndaǵy júldeni Kokshe kontent aqparat agenttiginiń tilshisi Ulan Zeınelqabden ıelendi («Qaraǵandy lageri – qara tańba» derekti fılmi);
«Úzdik rejısserlik jumys» atalymy boıynsha Kamal Smaıylov atyndaǵy júldemen T.Júrgenov atyndaǵy О́ner akademııasynyń III kýrs stýdentteri Anel Orazgeldi jáne Zere Amangeldınova marapattaldy («Beısen Quranbek» derekti fılmi);
«Úzdik avtorlyq baǵdarlama» atalymy boıynsha Saǵat Áshimbaev atyndaǵy júldeni Turkistan telearnasynyń tilshisi Aıdos Igilikov ıelendi («Jedel jeli» baǵdarlamasy «Abaqtydaǵy arý» shyǵarylymy);
«Úzdik sıýjet» atalymy boıynsha Saǵat Áshimbaev atyndaǵy júldeni Sátbaev qalalyq Aqsham telearnasynyń tilshisi Erkenaz Shoqan ıelendi. («Tól jýrnalıstıkanyń qamaly» sıýjeti»);
Úzdik shyqqan joba ıegerleri 500 myń teńge qarjylaı syılyqpen marapattaldy.
«Bizdiń maqsatymyz – jas jýrnalıster arasynda Qazaq televızııasynyń bastaýynda turǵan tulǵalar esimin ulyqtaý jáne jas áriptesterimizdiń shyǵarmashylyǵyna qoldaý kórsetý. Úzdik dep tanylǵan jumystardyń negizinde Kamal Smaıylov pen Saǵat Áshimbaev kezinde árbir avtorlyq jobasynda kózdegen ulttyq maqsat-múdde jatyr. Árbirinde bir taqyryp arqyly aýqymdy másele qamtylǵan. Kelip túsken jumystardy irikteýde tehnıkalyq jáne shyǵarmashylyq izdenisten bólek, osy jaıttarǵa mán berildi», – dedi basqarma tóraıymy Lázzat Tanysbaı.
Televızııalyq «Jalyn» jastar konkýrsy Qazaqstan teleradıokorporasııasynyń bastamasymen alǵash ret uıymdastyrylyp otyr.
