Kúdikti azamat qalalyq polısııa bóliminiń qyzmetkeri bolyp shyqqan. Oǵan qatysty qylmystyq kodekstiń «esirtki zattaryn daıyndaý, saqtaý jáne satý» jáne «qyzmettik jalǵandyq jasaý» baptary boıynsha is qozǵalǵan. Onyń bar múlki tárkilenip, 12 jylǵa deıin bas bostandyǵynan aıyrylýy múmkin.
«Polısııa starshınasy qamaýǵa alyndy. Onyń ústinen sotqa deıingi tergeý bastalyp, tergeý amaldary júrgizilip jatyr. Tártiptik komıssııanyń sheshimimen polısııa qyzmetkeri ishki ister organynan bosatyldy, polısııa bóliminiń bastyǵy atqaratyn qyzmetinen bosatyldy. QR QPK 201-babyna sáıkes qylmystyq isti tergeý sheńberindegi ózge aqparat jarııalaýǵa jatpaıdy», deıdi oblystyq Polısııa departamenti baspasóz qyzmetiniń jetekshisi Erbolat Sarqulov.
