Almaty qalalyq polısııa departamenti usynǵan málimetke sáıkes, beıtanys er adam kásipkerdi qorqytyp, odan 260 myń dollar almaqshy bolǵan.
«Atalǵan derek jedel jáne arnaıy is-sharalar barysynda rastaldy. 1981 jyly týǵan N. esimdi azamat fızıkalyq kúsh kórsetemin dep qorqytyp, kásipkerden iri kólemde aqsha talap etken. Polısııanyń arnaıy jasaqtarynyń qatysýymen ótkizilgen arnaıy shara nátıjesinde kúdikti qylmys ústinde ustaldy. Ruqsat etilgen tintý kezinde qarajat tárkilenip, QR QK-niń 194-baby 4-bóliginde kózdelgen qylmys belgileri boıynsha qylmystyq is materıaldaryna tirkeldi», dep túsindirdi Almaty qalalyq polısııa departamenti bastyǵynyń orynbasary Berik Ábilbekov.
Kúdikti óz kinásin tolyq moıyndap, qamaýǵa alyndy.
