Kelisim jobasy talqylanǵan kezekti otyrys

Keshe Máskeýde Qazaqstan Respýblıkasy Premer-Mınıstriniń birinshi orynbasary Baqytjan Saǵyntaevtyń qatysýymen Eýrazııalyq ekonomıkalyq komıssııanyń (EEK) kezekti otyrysy ótti, dep habarlady QR Premer-Mınıstriniń baspasóz qyzmeti. Otyrysqa qatysýshylar osy jyldyń 15 sáýirindegi Qazaqstan, Reseı jáne Belarýs Úkimeti basshylarynyń kezdesýi barysynda qol jetkizilgen, kelisimder sheńberindegi Eýrazııalyq ekonomıkalyq odaq (EAEO) týraly kelisim jobasyn daıyndaýdyń kókeıkesti máselelerin talqylady. Atap aıtqanda, kelisim jobasyn jasaý barysynda áriptes eldermen birlesip máseleniń túıin­di aspektileri, sonymen qatar, memleketterdiń ózara múdde­lerin qanaǵattandyrýǵa jáne ın­tegrasııa­ny odan ári damytýǵa baǵyttalǵan erejeler talqylandy. Budan burynǵy qol jetken jetistikterdi esepke alyp, kelisim jobasyn daıyndaýdyń negizgi máseleleri munaı men munaı ónimderin jóneltý, gaz tasymaldaý, avtokólik tasymaly, temir-jol tarıfterin qoldaný jáne aýyl sharýashylyǵyn memlekettik qoldaý salalarynda ózara is-qımyl perspektıvalaryn anyqtady. Keńeske qatysýshylar keshe saýda saıasaty, tehnıkalyq retteý jáne sanıtarlyq-fıtosanıtarlyq sharalar máselelerin oıdaǵydaı talqylady. О́nerkásip, agroónerkásip, valıýta salalary, qarjy rynoktaryn qamtıtyn ekonomıkanyń sheshýshi sektorlarynda ortaq túsinistikke kelip, bul salalardy ózara tıimdi damytý múmkindikteri kelisim jobasyna engizildi. Sondaı-aq, básekelestikti damytý, kólik, energetıka já­ne tabı­ǵı mo­nopolııalar salalaryn­daǵy yn­ty­maqtastyq máseleleri qaraldy. Tutastaı alǵanda, kelisim jobasyn daıyndaý barysy týraly máseleni talqylaý qorytyndysy boıynsha, ózara tıimdi áriptes­tik­tiń túıindi aspektileri boıynsha eleýli nátıjelerge qol jetkizildi. Ekonomıkalyq ıntegrasııany damytý baǵytyndaǵy birlesken jumys memleketterdiń teń qu­qyq­ty áriptestik qarym-qatynas áleýetin tıimdi paıdalaný boıynsha yntymaqtastyǵy men nıetiniń joǵary deńgeıde ekeniniń jarqyn kórsetkishi bolyp tabylady.