Júrek jylýy

Oraldyqtar koreı qyzy, qazaqtyń kelini Lıana Tursynovany burynnan isker áıel dep biletin. Endi ol Oral qalalyq máslıhatynyń depýtaty mandatyn qolyna alǵaly bergi ýaqytta saılaýshylarynyń amanatyn oryndaýda tynym tappaıtyn qaıratty jan retinde taǵy bir qyrynan tanyldy. Ásili, Lıana Alekseevna – jaratylysynan elgezek, halyqqa qyzmet kórsetýden asqan mereı­­­­li mindet joq dep sanaıtyn jan. Halyq qalaýlysy ózi depý­tat­tyqqa saılanǵan №16 saılaý okrý­gi turǵyndarynan túsken óti­nish-usynystardyń birde-birin eleýsiz qaldyrǵan emes. Ár aıdyń bi­rinshi aptasynda №44 mektepte jáne aı saıyn «Nur Otan» partııasy bólimshesiniń ǵımaratynda turǵyndardy turaq­ty qabyldaıdy. Kásipkerlik sharýasy da kúndelikti nazardy qajet etetindigine qaramastan, ol qabyldaýǵa kelgen adamdardyń árqaısysyn tyńdap, jyly sózi men kómegin aıamaıdy. – О́tkende «Jeńis» shaǵyn aýda­nynyń bir top turǵyny úı­diń jertólesinde ornalasqan kafe­niń zańsyz ashylǵanyna shaǵym­dandy. Keshki ýaqyttaǵy dańǵaza mýzyka men demaldyrmaıtyn ıisten ábden sharshadyq, desti. Tıisti quzyrly oryndardan, sonyń ishinde qalalyq ishki ister basqarmasynan, TJ, sanepıdemıologııa salasynan, JPIK-ten mamandar shaqyryp, turǵyndardyń qatysýymen máseleni sheshý joldaryn birge qarastyrdyq. Kafe zańdy túrde ashylǵan bolyp shyqty. Turǵyndardyń qoıǵan talaptaryna oraı kásipker tarapynan tıisti sharalar alyndy. Sol turǵyn úıdiń birinshi qabatynda ózge de kásipkerlik nysandary jumys isteıtini anyqtaldy. Tur­ǵyndar da rıza, kásipkerlik te qor­ǵaldy. Qazir de bul másele de­pýtattyń baqylaýynda, –  dedi de­pý­tattyń kómekshisi Svetlana Ádilova. Lıana Alekseevna depýtat bolyp saılanǵanda, saılaýshylary qala ortalyǵyna qatynaıtyn №1, 8, 33 qoǵamdyq kólikter qozǵalysyn qalypqa keltirýdi amanattady. Bul is te oń sheshildi. Sondaı-aq, saılaýshylar óz depýtattaryna 6-shaǵyn aýdanyndaǵy zańsyz bazardy joıý úshin saýda bazaryn salý­dy surap, 40 ótinish jazdy. L.Tursynovanyń izdenisi arqasynda jańadan boı kótergen saýda úıiniń bir bóliginen saıajaı ónimderin satýǵa arnaıy oryndar bólindi. Saýda úıiniń ákimshiligi buryn kóshede jaıma bazarda turǵandardyń kópshiligine ǵımarattyń ishinen oryndar usyndy. Mundaı mysaldardy Lıana Alekseevnanyń depýtattyq qyzmetinen kóptep keltirýge bolady. Qalanyń Chapaev kóshesindegi turǵyndardyń ótinishi boıynsha jańa kolonka qoıýǵa septigi tıgen. 6-shaǵyn aýdanda depýtattyń aralasýymen 2 sport alańy, bir balalar alańy salynǵan. Okrýgte aqsaqaldar keńesi qurylyp, ju­mys isteýde. Bir qyzyǵy, keńes­ke múshe bolǵan qarapaıym turǵyn­dar qalalyq máslıhattyń sessııa­laryna qatysady. Osyndaı baılanystyń arqasynda bılik pen halyq arasyndaǵy túsinistik nyǵaıa túspek. – Bilesiz be, adamdardan alǵys estýden asqan qymbat nárse joq. Sol úshin jumys istep, ómir súrýge bolady,  – deıdi L.Tursynova. – Biz­diń okrýgte birneshe az qamtyl­ǵan otbasy bar. Olardyń jaǵdaı­laryn kózimmen kórdim, az qamtylǵan otbasylarynan da tómen jaǵdaıda tirlik etýde. Mundaı otbasylardyń ishinde mektepte oqıtyn ul-qyzyna memleketten tıisti jeńildikterin ala almaı otyrǵandary da kezdesedi. О́ıtkeni, qaısybir balaqandardyń áke-sheshesi joq, ájesiniń tárbıe­sinde. Endi qaısybir otbasy tolyq emes, bir otbasyn otaǵasy 4 balamen tastap ketken, kópshiligi páter jaldap turady. Osy otbasylarǵa Jańa jyl qarsańynda syılyqtar tabys ettik. Biraq quttyqtaý sharalarynan keıin keri qaıtqa­nymyzda, bir-birimizben sóılese almaı, jaman kúı keshtik, olar­dyń turmys-tirligi júrekti aýyr­tady. Búgingi zamanda oıyn bala­larynyń ashqursaq júrýi janymdy júdetedi. Sondyqtan №44 mektepten mektep basshysy Aqjarqyn Temirhanovanyń kómegimen osy otba­sylarǵa kómek kórsetetin pýnkt ash­tyq. Qazirdiń ózinde 50-60 paket kıim-keshek, oıynshyq jınaldy. Endi kartop, makaron ónimderin satyp alyp, jınalǵan zatty turmysy tómen jańa­ǵy otbasylarǵa úlestiremiz. Ob­lystyq «Oral óńiri» gazeti arqy­­­ly ózderińiz kımeıtin, biraq laq­ty­­ryp tastaýǵa qımaıtyn kıimdi, ózge de zat­tardy №44 mekteptegi pýnktke tap­syrýǵa bolatynyn jetkizgim keledi. Svetlana Tilepbergenqyzy­nyń aıtýynsha, depýtattyń uıym­das­tyrýymen múmkindigi shekteýli eki turǵynǵa kásipker Aqylbek Bısembaevtyń demeýshilik kórse­týimen 2 múgedek arbasy syıǵa tartylǵan. Endi kásipker múmkin­digi shekteýli 6 janǵa dári-dármek alýǵa árqaısysy 5-10 myń teńge shamasyndaǵy sertıfıkat tabys etpek. Lıana Alekseevnanyń bastaýymen múmkindigi shekteýli jandar arasynda doıby, shahmattan jarys ótti. Onyń qabyldaýyna jumysqa turýǵa jáne qujat alýǵa kómek surap keletinder kóp. «Depýtat olardyń birde-birin eleý­siz qaldyrmaıdy, barlyǵynyń máse­lesi boıynsha tıisti oryndarǵa qońyraý shalyp, máseleni shapshań sheshýge umtylady. Osydan-aq máseleniń bárin aqsha emes, adamǵa degen iltıpat sheshedi degiń keledi», deıdi aǵynan jarylǵan Svetlana Tilepbergenqyzy. L.Tur­synovanyń kómegimen Samal Jubatova degen jas №13 mektepke muǵalim, 3-toptaǵy múgedek Abat Bekeev №34 mektepke kúzetshi bolyp ornalasqan. Al Núrgúl Muhanbetalıeva esimdi jas ana jubaıy qaıtys bolyp, bir balasymen aýyldan qalaǵa kelgeninde eshbir qujaty bolmaǵan eken. Onyń jeke bas kýáligi, asyraýshysynan aıyryldy degen qujaty Lıana Alekseevnanyń kómegimen jasalyp, Nurgúldiń ózi kafege jumysqa, balasy mektepke ornalastyrylǵan. Halyq senimine selkeý túsir­meýdi oılaıtyn L.Tur­sy­novanyń aldaǵy ýaqytqa jospary kóp. Shaǵyn jáne orta kásipkerlik ókil­deriniń bıznesine qatysty túıt­kildi máseleler bolyp jatsa, olardy sheshýge kómek qolyn sozbaq. –  Ýaqyt tapshy, jumys aýqym­dy, biraq sharshaýǵa bolmaıdy. Ká­­­sip­kerligimde maýsymdyq ju­mys­tardy eskergende 100-den asa adam­dy jumyspen qamtyp otyrmyn. Olardyń da turmys-tirligi naza­rymda. Jaǵdaıy nashar bolyp jat­sa, ónikti eńbek ete almaıdy. Al tamaq­taný júıesinde sapa men minsiz qyzmet birinshi orynda, –  dedi ashana­lar men restorandar júıesiniń damýyna úles qosyp júrgen Lıana Alekseevna. Ol ózin aldymen súıikti jar, baqytty ana, abzal áje sanaıdy. Áıel zaty úshin otbasyndaǵy bere­keli ómir bárinen bıik. Sodan keıin kásipker retinde el-jurtqa paıdam tısin degen qaǵıdany ustanady. О́ziniń aınalasyndaǵy adamdarǵa qolynan kelgeninshe kómek qolyn sozyp, júrek jylýyn aıamaıtyn halyq qalaýlysy ár kez senim údesinen shyǵýdy maq­sat tutady. Sondyqtan Lıana Tur­synovanyń sharshaýǵa ýaqyty da joq. Mánshúk ERMUQANOVA, «Arý analar» qoǵamdyq birlestiginiń jetekshisi: –  Qoǵamdyq birlestigimizde kóp bala­­ly, «Altyn alqaly» 14 zeınetker ana bar. Bıyl bizdiń kópultty birlestigimizdiń qurylǵanyna 5 jyl tolyp, jaqynda úlken konsert qoıdyq. Qaladaǵy mektepter men kolledjderge baryp, patrıot-tyq, ulttyq salt-dástúrdi nasıhattaý baǵytynda jumystanýdamyz. Birlestik músheleri Oral shaha­ry­nyń bir qıyrynan jáne qala mańyndaǵy Jelaev, Selek­sıon­nyı, Krýgloozernyı aýyldary­nan ardagerler klýbyna nemese mektepterge qatynaıdy. Qala ishin­de qoǵamdyq kólikpen júrý qıyn­dyqtar týǵyzatyn. Osy máseleni qalalyq máslıhattyń depýtaty Lıana Tursynovaǵa aıtyp, ótinip edik, oń sheshimin taýyp otyr. Júzi ǵana emes, júregi de jyly isker qyzymyzǵa al­ǵysymyzdy aıtyp, batamyzdy berýdemiz. Gúlbarshyn ÁJIGEREEVA, jýrnalıst. ORAL. ––––––––––– Sýrette: Lıana Tursynova.