Ult birligi – uly baılyq. XV oblystyq ulttar dostyǵy festıvali jyl saıyn dástúrli túrde uıymdastyrylyp keledi. Bıyl bul mádenı shara oblystyq Dostyq úıiniń bes jyldyǵy aıasynda jáne óńirde turatyn etnostardyń tili men salt-dástúrin, jalpy qazaqstandyq mádenıetti, rýhanı birlikti, halyq arasyndaǵy dostyqty, ulttyq tól mádenıetti qalyptastyrý jáne damytý maqsatynda ótkizildi. Festıvaldiń uıymdastyrýshysy jáne quryltaıshysy oblystyq Qazaqstan halqy Assambleıasy hatshylyǵy, oblystyq Mádenıet, muraǵattar jáne qujattama basqarmasy, oblystyq Dostyq úıi bolyp tabylady.
On besinshi ret ótkizilip otyrǵan festıvalde oblystyq Qazaqstan halqy Assambleıasynyń 19 etnomádenı birlestigi daıyndaǵan shyǵarmashylyq baǵdarlama usynyldy. Sonymen qatar, festıvalǵa Hromtaý qalasynyń kenshiler mádenıet úıi jáne Áıteke bı aýdanyndaǵy T.Shevchenko atyndaǵy Qarabutaq orta mektebiniń shyǵarmashylyq ujymdarynyń qatysýy da festıvaldiń kókjıegi keńeıip kele jatqanyn kórsetti. Ár ujymnyń baǵdarlamasy berilgen taqyrypqa saı, shyǵarmashylyq múmkindigine qaraı halyqtyń ulttyq kolorıtinen jáne jón-joralǵylarynan turatyn teatrlandyrylǵan tolyq kompozısııa túrinde oryndaldy.
Festıvaldiń maqsaty jeke oryndaýshylardy jáne shyǵarmashylyq ujymdardaǵy talantty jastardy qoldaý jáne damytý bolyp tabylady.
Sharanyń alǵashqy kúni oblystaǵy 19 etnomádenı birlestiktiń ulttyq qoldanbaly óner kórmesi uıymdastyryldy. Kórmeni oblystyq mádenıet, muraǵattar jáne qujattama basqarmasynyń basshysy Názıra Tabyldınova qysqasha sóz sóılep ashyp, festıval qatysýshylaryn óner merekesimen quttyqtady. Ol kórmeni uıymdastyrý arqyly oblysty mekendegen ulttardyń qoldanbaly ónerin nasıhattaý, tanymdyq taǵylymyna qol jetkizý, jastardy ónerdi súıýge tárbıeleý múmkindigi molaıyp otyrǵanyn jetkizdi.
Festıval barysynda oǵan qatysýshylar óz ultynyń ónerlerin ortaǵa saldy. Dostyq úıiniń sahnasynan án qalyqtap, halyqtyq bılerdiń ásem qımyly tógildi. Ár ulttyń kórkemónerpazdary dostyq pen birliktiń biregeı yqylas-nıetinen arna tartqan basqa da ónerlerin kórermen nazaryna usyndy. Bul joly jastardyń ónerge degen yntasy artqany, kópshilik mádenı sharalarǵa qatysýǵa nıetti ekendikteri aıqyn ańǵarylyp turdy. Bul festıvaldiń qyzyqty ótýine yqpal etti. Olardyń arasynda qaı sahnanyń da ajaryn keltiretin ánshiler men bıshiler ósip kele jatqany qýantady. Eń bastysy, bul festıval dostyqtyń tinin bekitetin shara retinde baǵaly. Sondyqtan da munda ónerlerin kórsetýge yntalylar kóp boldy.
Festıvalde ónerlerimen kózge túsip, kórermenniń kóńilinen shyqqan ónerpazdar 1 mamyr – Qazaqstan halqynyń birligi kúni merekesinde Tuńǵysh Prezıdent N.Nazarbaev atyndaǵy saıabaqta ótetin Gala-konsertke qatysatyn boldy. Oblystyq mádenıet, muraǵattar jáne qujattama basqarmasy basshysynyń orynbasary Qydyrǵalı Ermuqan men oblystyq Dostyq úıiniń dırektory Roza Berkesheva barlyq festıvalǵa qatysýshylarǵa ónerleriń órge júzsin degen tilek bildirip, alǵys hattarmen jáne estelik syılyqtarmen marapattady.
Satybaldy SÁÝIRBAI,
«Egemen Qazaqstan».
Aqtóbe oblysy.
On besinshi ret ótkizilip otyrǵan festıvalde oblystyq Qazaqstan halqy Assambleıasynyń 19 etnomádenı birlestigi daıyndaǵan shyǵarmashylyq baǵdarlama usynyldy. Sonymen qatar, festıvalǵa Hromtaý qalasynyń kenshiler mádenıet úıi jáne Áıteke bı aýdanyndaǵy T.Shevchenko atyndaǵy Qarabutaq orta mektebiniń shyǵarmashylyq ujymdarynyń qatysýy da festıvaldiń kókjıegi keńeıip kele jatqanyn kórsetti. Ár ujymnyń baǵdarlamasy berilgen taqyrypqa saı, shyǵarmashylyq múmkindigine qaraı halyqtyń ulttyq kolorıtinen jáne jón-joralǵylarynan turatyn teatrlandyrylǵan tolyq kompozısııa túrinde oryndaldy.
Festıvaldiń maqsaty jeke oryndaýshylardy jáne shyǵarmashylyq ujymdardaǵy talantty jastardy qoldaý jáne damytý bolyp tabylady.
Sharanyń alǵashqy kúni oblystaǵy 19 etnomádenı birlestiktiń ulttyq qoldanbaly óner kórmesi uıymdastyryldy. Kórmeni oblystyq mádenıet, muraǵattar jáne qujattama basqarmasynyń basshysy Názıra Tabyldınova qysqasha sóz sóılep ashyp, festıval qatysýshylaryn óner merekesimen quttyqtady. Ol kórmeni uıymdastyrý arqyly oblysty mekendegen ulttardyń qoldanbaly ónerin nasıhattaý, tanymdyq taǵylymyna qol jetkizý, jastardy ónerdi súıýge tárbıeleý múmkindigi molaıyp otyrǵanyn jetkizdi.
Festıval barysynda oǵan qatysýshylar óz ultynyń ónerlerin ortaǵa saldy. Dostyq úıiniń sahnasynan án qalyqtap, halyqtyq bılerdiń ásem qımyly tógildi. Ár ulttyń kórkemónerpazdary dostyq pen birliktiń biregeı yqylas-nıetinen arna tartqan basqa da ónerlerin kórermen nazaryna usyndy. Bul joly jastardyń ónerge degen yntasy artqany, kópshilik mádenı sharalarǵa qatysýǵa nıetti ekendikteri aıqyn ańǵarylyp turdy. Bul festıvaldiń qyzyqty ótýine yqpal etti. Olardyń arasynda qaı sahnanyń da ajaryn keltiretin ánshiler men bıshiler ósip kele jatqany qýantady. Eń bastysy, bul festıval dostyqtyń tinin bekitetin shara retinde baǵaly. Sondyqtan da munda ónerlerin kórsetýge yntalylar kóp boldy.
Festıvalde ónerlerimen kózge túsip, kórermenniń kóńilinen shyqqan ónerpazdar 1 mamyr – Qazaqstan halqynyń birligi kúni merekesinde Tuńǵysh Prezıdent N.Nazarbaev atyndaǵy saıabaqta ótetin Gala-konsertke qatysatyn boldy. Oblystyq mádenıet, muraǵattar jáne qujattama basqarmasy basshysynyń orynbasary Qydyrǵalı Ermuqan men oblystyq Dostyq úıiniń dırektory Roza Berkesheva barlyq festıvalǵa qatysýshylarǵa ónerleriń órge júzsin degen tilek bildirip, alǵys hattarmen jáne estelik syılyqtarmen marapattady.
Satybaldy SÁÝIRBAI,
«Egemen Qazaqstan».
Aqtóbe oblysy.
