Marafonǵa Nur-Sultan qalasynyń 300-ge jýyq jasóspirimderi men jastary qatysty. Uldar arasynda 3 shaqyrym, al qyzdar arasynda 2 shaqyrym qashyqytyqqa júgirýden jarys ótkizildi. Júzden júırik kelgen jeńimpazdar Jas Sarbaz qozǵalysynyń arnaıy atrıbýtıkalary men alǵys hattary jáne tósbelgilermen marapattaldy.
Atalǵan sharaǵa Nur-Sultan qalasynyń dene shynyqtyrý jáne sport basqarmasynyń basshysy Jylqybaev Samat Sábıtuly, Nur-Sultan qalasynyń Jastar saıasaty máseleleri basqarmasynyń basshysy Qambarov Qaırat Telmanuly, «Jas Sarbaz» jasóspirimder áskerı-patrıottyq qozǵalysy RQB Mendygalıev Meırbek Orazuly, «Jas Sarbaz» jasóspirimder áskerı-patrıottyq qozǵalysy Nur-Sultan qalalyq fılıalynyń tóraǵasy Ashat Nalshybek qatysty.
«Búgingi jastar erteńgi el bolashaǵy demekshi, jastardy sportqa baýlý, olardyń densaýlyǵy jáne básekege qabilettiligin arttyrý-bizdiń basty maqsatymyz. Shynyqsań shymyr bolasyń deıdi, jastarymyzdyń shymyr bolýy jarqyn bolashaqtyń kepili. Biz «Otan. Ásker.Jas Sarbaz» jobasy aıasynda, Nur-Sultan qalasynyń Jastar saıasaty máselelri basqarmasynyń qoldaýymen birqatar is-sharlardy joǵarǵy deńgeıde atap óttik, aıta ketetin bolsam, 3 kúndik dala jıyny, fýtbol,voleıbol, doıby sport túrlerinen saıystar jáne de halyq qaharmany Toqtar Áýbákirovpen, Eltańbamyzydń avtory Jandarbek Málibekulymen kezdesýler ótken bolatyn. Aldaǵy josparda da kóptegen is-sharalar tur.
Sol is-sharalardy joǵary deńgeıde atap ótý úshin barsha Nur-Sultan qalasynyń Jas sarbazdaryn birge atqarýǵa shaqyramyn», dedi «Jas Sarbaz» jasóspirimder áskerı-patrıottyq qozǵalysy Nur-Sultan qalalyq fılıalynyń tóraǵasy Ashat Nalshybek.
Aıana Toǵanbek
